​ശ്രീനാഥ് ഭാസിയും ​ഗ്രേസ് ആന്റണിയും പ്രധാന വേഷത്തിൽ എത്തുന്ന പടച്ചോനെ ഇങ്ങള് കാത്തോളീ സിനിമയുടെ ടീസർ പുറത്ത്. ​ഗ്രേസ് ആന്റണിയുടെ ​ഗംഭീര പ്രകടമാണ് ടീസറിനെ ശ്രദ്ധേയമാക്കുന്നത്. തെരഞ്ഞെടുപ്പിനെ പശ്ചാത്തലമാക്കിയുള്ളതാണ് ടീസർ. കള്ളവോട്ട് ചെയ്യാന്‍ പലവേഷത്തിൽ എത്തുകയാണ് ​ഗ്രേസ്. ഇതെല്ലാം കണ്ട് പോളിങ് സ്റ്റേഷനിൽ ഇരിക്കുന്ന ശ്രീനാഥ് ഭാസിയേയും ടീസറിൽ കാണാം. എന്തായാലും ആരാധകരുടെ പ്രശംസ നേടുകയാണ് ​ഗ്രേസ് ആന്റണി. 

ബിജിത്ത് ബാലയാണ് ചിത്രം സംവിധാനം ചെയ്യുന്നത്. ഗ്രാമീണ പശ്ചാത്തലത്തിൽ നർമ്മത്തിനൊപ്പം സംഗീതത്തിനും പ്രണയത്തിനും പ്രാധാന്യം നൽകിയാണ് ചിത്രം ഒരുക്കിയിരിക്കുന്നത്. ഇടതുപക്ഷ നേതാവായി ശ്രീനാഥ്‌ ഭാസി പ്രത്യക്ഷപ്പെടുന്നു. ആൻ ശീതളാണ് നായിക. രസ്ന പവിത്രൻ, അലെൻസിയർ, ജോണി ആന്റണി, മാമുക്കോയ, ഹരീഷ് കണാരൻ, ദിനേശ് പ്രഭാകർ, ശ്രുതി ലക്ഷ്മി, നിർമൽ പാലാഴി, വിജിലേഷ് തുടങ്ങിയവരും ചിത്രത്തിൽ അഭിനയിക്കുന്നുണ്ട്. 

ചിത്രം ടൈനി ഹാൻഡ്സ് പ്രൊഡക്‌ഷൻസിന്റെ ബാനറിൽ ജോസ്കുട്ടി മഠത്തിൽ, രഞ്ജിത്ത് മണംബ്രക്കാട്ട്‌ എന്നിവർ ചേർന്ന് നിർമിക്കുന്ന ചിത്രത്തിന് പ്രദീപ് കുമാർ കാവുംതറയാണ് തിരക്കഥ രചിച്ചിരിക്കുന്നത്. ഛായാഗ്രഹണം വിഷ്ണു പ്രസാദ്. എഡിറ്റിങ് കിരൺ ദാസ്. സംഗീതം ഷാൻ റഹ്മാൻ. നവംബർ 11ന് തിയറ്ററുകളിലെത്തും. 

ഈ വാര്‍ത്ത കൂടി വായിക്കൂ 

'ഈ സിനിമയ്ക്കെതിരെ കേസ് കൊടുക്കണം'; 'ജയ ജയ ജയ ജയ ഹേ' കണ്ട് ബെന്യാമിൻ പറയുന്നു

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ