ചെന്നൈ: പ്രശസ്ത സംഘട്ടന സംവിധായകനും നിർമാതാവുമായ മലേഷ്യ ഭാസ്കർ അന്തരിച്ചു. ഹൃദയാഘാതത്തെ തുടർന്നായിരുന്നു അന്ത്യം. മലയാളം, തമിഴ്, തെലുങ്ക്, കന്നഡ സിനിമകളിൽ സജീവമായിരുന്നു. മലയാളത്തിൽ ഫാസിൽ, സിദ്ദിഖ്, സിബി മലയിൽ തുടങ്ങിയ സംവിധായകർക്കൊപ്പം പ്രവർത്തിച്ചിട്ടുണ്ട്.

മൃ​ഗയ, താഴ്വാരം, കോട്ടയം കുഞ്ഞച്ചൻ, ഫ്രണ്ട്സ്, മൈ ഡിയർ കരടി, കയ്യെത്തും ദൂരത്ത്, അമൃതം, ബോഡി​ഗാർഡ് തുടങ്ങിയവയാണ് മറ്റ് പ്രധാനപ്പെട്ട മലയാള സിനിമകൾ. 1980 കാലഘട്ടം മുതൽ തെന്നിന്ത്യൻ സിനിമകളിൽ സംഘട്ടനങ്ങൾ ഒരുക്കിയിരുന്ന ഫൈറ്റ് മാസ്റ്ററുമാരിൽ പ്രമുഖനായിരുന്നു അദ്ദേഹം.