കൊച്ചി: അന്തരിച്ച നടി സുബി സുരേഷിന്റെ സംസ്‌കാരം ഇന്ന്. ഉച്ചയ്ക്ക് മൂന്ന് മണിക്ക് ചേരാനെല്ലൂർ ശ്മശാനത്തിൽ വെച്ചാണ് സംസ്‌കാര ചടങ്ങുകൾ നടക്കുക. രാവിലെ 10 മണിയോടെ മൃതദേഹം വരാപ്പുഴ പുത്തൻപള്ളി ഓഡിറ്റോറിയത്തിൽ പൊതുദർശനത്തിന് വെക്കും. രാവിലെ എട്ട് മണിയോടെ മൃതദേഹം വരാപ്പുഴയിലെ വീട്ടിലേക്ക് കൊണ്ടുപോകുമെന്നാണ് അറിയിച്ചിരിക്കുന്നത്.

കരൾ രോ​ഗം മൂർച്ഛിച്ചതിനെ തുടർന്ന് ഇന്നലെ രാവിലെ 10 മണിയോടെയായിരുന്നു സുബിയുടെ അന്ത്യം. അഭിനേത്രിയായും അവതാരകയായും ജനപ്രിയമായ ഒട്ടേറെ ടെലിവിഷൻ പരിപാടികളിലൂടെ മലയാളികൾക്ക് പ്രിയപ്പെട്ട താരമായിരുന്നു സുബി. മിമിക്രി രംഗത്ത് നിന്നാണ് സുബി അഭിനയ ലോകത്തേക്ക് എത്തിയത്. 

ഈ വാര്‍ത്ത കൂടി വായിക്കൂ

'സുബിയില്ലെന്ന് വിശ്വസിക്കാനാകുന്നില്ല, മരണം ഒഴിവാക്കാൻ പരമാവധി ശ്രമിച്ചിരുന്നു'; വേദന പങ്കുവെച്ച് താരങ്ങൾ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ