ഏറെ നാളത്തെ കാത്തിരിപ്പുകൾക്കും ഊഹാപോഹങ്ങൾക്കുമെല്ലാമൊടുവിൽ ദളപതി 69 ചിത്രീകരണം തുടങ്ങി. ചിത്രത്തിന്റെ പൂജ ചടങ്ങുകൾ ഇന്ന് ചെന്നൈയിൽ വച്ച് നടന്നു. വിജയ്, പൂജ ഹെ​ഗ്ഡെ, മമിത ബൈജു, ബോബി ഡിയോൾ, നരേൻ തുടങ്ങിയ ചിത്രത്തിലെ പ്രധാന താരങ്ങളെല്ലാം പൂജ ചടങ്ങിൽ പങ്കെടുത്തു.

വിജയ്‌യുടെ കരിയറിലെ അവസാന ചിത്രമെന്ന നിലയിൽ ദളപതി 69 ന് പ്രേക്ഷകർക്കിടയിലുള്ള സ്വീകാര്യത വളരെ വലുതാണ്. വെള്ള മുണ്ടും ഷർട്ടും ധരിച്ച് പൂജ ചടങ്ങിനെത്തിയ വിജയ്‌യുടെ ചിത്രം സോഷ്യൽ മീഡിയയിൽ ഇതിനോടകം തന്നെ തരംഗമായി കഴിഞ്ഞു. ​

'അയാളുടെ ഫോട്ടോ എടുത്ത് കത്തിക്കും'; പ്രണയത്തകര്‍ച്ച മറികടക്കാനുള്ള മികച്ച മാര്‍ഗമെന്ന് അനന്യ പാണ്ഡെ

ഗൗതം മേനോനും പ്രിയ മണിയും പ്രകാശ് രാജും ചിത്രത്തിൽ പ്രധാന വേഷത്തിലെത്തുന്നുണ്ട്. എച്ച് വിനോദ് സംവിധാനം ചെയ്യുന്ന ചിത്രം അടുത്ത വർഷം ഒക്ടോബറിൽ തിയറ്ററുകളിലെത്തും. കെവിഎൻ പ്രൊഡക്ഷൻസാണ് ചിത്രം നിർമ്മിക്കുന്നത്.