മലയാളത്തിൽ നിന്ന് എത്തി ബോളിവുഡ് ലോകം കീഴടക്കിയ നടിയാണ് അസിൻ. മലയാളിയാണെങ്കിലും അസിൻ താരമായി മാറിയത് തമിഴ് സിനിമകളിലൂടെയാണ്. വിവാഹശേഷം സിനിമയിൽ നിന്ന് വിട്ടു നിൽക്കുകയാണ് താരം. നിരവധി ആരാധകരുള്ള താരം സോഷ്യൽ മീഡിയയിലൂടെ തന്റെ വിശേഷങ്ങൾ പങ്കുവെക്കാറുണ്ട്. 

ഇപ്പോൾ തന്റെ മകളുടെ മൂന്നാം പിറന്നാൾ ആഘോഷത്തിൽ താരം കുറിച്ച വാക്കുകളാണ് ആരാധകരുടെ മനം കവരുന്നത്.  അറിൻ റാഇൻ എന്നാണ് അസിന്റെ മകളുടെ പേര്. ഈ പേര് തെരഞ്ഞെടുത്തത് എങ്ങനെയെന്ന് പറയുകയാണ് താരം. പ്രമുഖ വ്യവസായി രാഹുല്‍ ശർമയാണ് അസിന്റെ ഭർത്താവ്. ഇരുവരുടേയും പേരിന്റെ അക്ഷരങ്ങൾ ചേർത്താണ് കുഞ്ഞിന് പേരിട്ടത് എന്നാണ് അസിൻ കുറിക്കുന്നത്. 

അവളുടെ പേര്- രാഹുലിന്റേയും എന്റെ പേരിന്റെ ആദ്യ ആദ്യ അക്ഷരങ്ങള്‍ ചേര്‍ന്നതാണ്. അതുപോലെ കുഞ്ഞിന്റെ രണ്ടാമത്തെ പേര് ഇതേ അക്ഷരങ്ങളുടെ വ്യത്യസ്തമായ രൂപമാണ്. ചെറുതും ലളിതവുമായ പേര്. ജാതിയോ മതമോ ലിംഗ ഭേദമോ ഒന്നും തന്നെയില്ലാത്ത പേരാണത്- അസിൻ കുറിച്ചു. മകൾക്ക് ആശംസ അറിയിച്ചവരോട് നന്ദി പറയാനും താരം മറന്നില്ല. 

2016 ജനുവരിലാണ് രാഹുൽ ശർമയും അസിനും വിവാഹിതരാവുന്നത്. ‘ഹൗസ്ഫുൾ ടു’ എന്ന സിനിമയുടെ പ്രൊമോഷനിടയിലാണ് രാഹുലും അസിനും ആദ്യമായി കാണുന്നത്. പിന്നീട് പരിചയം പ്രണയത്തിലേക്ക് വഴിമാറുകയായിരുന്നു.