മലയാളികളുടെ ഇഷ്ട നായികയാണ് ഷഫ്ന. സാന്ത്വനം സീരിയലിലൂടെ ശ്രദ്ധ നേടിയ താരത്തിന്റെ ഭർത്താവ് സജിനും ഇപ്പോൾ ആരാധകരുടെ പ്രിയങ്കരനാണ്. സോഷ്യൽ മീഡിയയിൽ ആക്റ്റീവായ ഇരുവരും വിശേഷങ്ങളെല്ലാം ആരാധകരുമായി പങ്കുവെക്കാറുണ്ട്. അടുത്തിടെ തങ്ങളുടെ ജീവിതത്തിലെ സന്തോഷകരമായ ഒരു തുടക്കത്തെക്കുറിച്ച് ഷഫ്ന പറഞ്ഞിരുന്നു. ഇപ്പോൾ ആ തുടക്കമെന്തെന്ന് വ്യക്തമാക്കിയിരിക്കുകയാണ് താരം. 

ഇരുവരും ഒന്നിച്ചുള്ള ഹിമാലയൻ യാത്രയെക്കുറിച്ചാണ് ഷഫ്ന പറഞ്ഞത്. യാത്രകൾ വളരെ ഇഷ്ടപ്പെടുന്ന ഇരുവരും ഒരു വർഷത്തെ കാത്തിരിപ്പിന് ശേഷം കഴിഞ്ഞ മാസമാണ് യാത്ര പോകുന്നത്. 'ഞാൻ നേരത്തെ സൂചിപ്പിച്ച ആ മനോഹരമായ തുടക്കം ഞങ്ങളുടെ പുതിയ യാത്രയായിരുന്നു. കൊവിഡും ടൈറ്റ് ഷെഡ്യൂളും മൂലം ഒരു വർഷത്തെ നീണ്ട കാത്തിരിപ്പിനു ശേഷം കഴിഞ്ഞ മാസം ആണ് ഞങ്ങളുടെ യാത്ര നടക്കുന്നത്. ചെറിയ യാത്രകൾ പോലും ഞങ്ങളെ ഒരുപാട് സന്തോഷിപ്പിക്കാറുണ്ട്.'- താരം കുറിച്ചു. 

അതിന് പിന്നാലെ യാത്രയിലെ വിശേഷങ്ങൾ പങ്കുവെച്ചുകൊണ്ട് ചിത്രങ്ങളും താരം പോസ്റ്റ് ചെയ്യുന്നുണ്ട്. തങ്ങളുടെ രണ്ടാമത്തെ വീടാണ് ഇതെന്നാണ് താരം കുറിക്കുന്നത്. ഇവിടേക്ക് തിരിച്ചുവരാനായി കാത്തിരിക്കുമെന്നും ഷഫ്‌ന പറയുന്നുണ്ട്. ഈ സ്വര്‍ഗത്തിലേക്കുള്ള യാത്ര ഞങ്ങളെ കൂടുതല്‍ സന്തോഷത്തിലാക്കി. ഹിമാലയത്തോടുള്ള സ്‌നേഹം ഒരിക്കലും ഇല്ലാതാകില്ല. ഞങ്ങള്‍ക്കായി ഒരു വീട് അവിടെയുണ്ടെന്ന് ചിന്ത എപ്പോഴുമുണ്ടാകും. അവിടത്തെ ഗ്രാമങ്ങളും ആളുകളും അവരുടെ സ്‌നേഹവും കള്‍ച്ചറുമെല്ലാം അങ്ങള്‍ക്ക് സ്‌പെഷ്യലായിരുന്നു- ഷഫ്‌ന കുറിച്ചു.