സംഗീതം കൊണ്ടും നിലപാടുകള്‍ കൊണ്ടും ആരാധകരെ സമ്പാദിച്ചിട്ടുള്ള ഗായികയാണ് ചിന്‍മയ് ശ്രീപദ. ഈയ്യടുത്ത് തഗ്ഗ് ലൈഫിന്റെ ഓഡിയോ ലോഞ്ചില്‍ ചിന്‍മയി 'മുത്തു മഴൈ' എന്ന പാട്ട് പാടിയത് വലിയ ചര്‍ച്ചയായി മാറിയിരുന്നു. ചിന്‍മയിയെ പോലെ പ്രതിഭയുള്ളൊരു ഗായികയെ സിനിമാ ലോകം അവരുടെ നിലപാടുകളുടെ പേരില്‍ അകറ്റി നിര്‍ത്തുന്നതിനെതിരെ വ്യാപക വിമര്‍ശനം ഉയര്‍ന്നിരുന്നു.

സ്‌ക്രിപ്റ്റില്‍ കൈ കടത്തി നശിപ്പിക്കുന്നു എന്നൊരു ചീത്തപ്പേര് ജഗദീഷിന് ഉണ്ടായിരുന്നു: ലാല്‍

ഇതിനിടെ ഇപ്പോഴിതാ ചിന്‍മയിക്ക് പിന്തുണയുമായി എത്തിയിരിക്കുകയാണ് സംഗീതജ്ഞന്‍ ടിഎം കൃഷ്ണ. സോഷ്യല്‍ മീഡിയയിലൂടെയാണ് ടിഎം കൃഷ്ണയുടെ പ്രതികരണം. ചിന്‍മയിയുടെ പാട്ടിന് കയ്യടിച്ച ശേഷം അവര്‍ അനുഭവിച്ചു കൊണ്ടിരിക്കുന്നതെല്ലാം മറക്കുന്നത് പൊറുക്കാനാകാത്ത തെറ്റാണെന്നാണ് അദ്ദേഹം പറയുന്നത്.

'ഞാൻ എന്തെങ്കിലും പറഞ്ഞുകൊണ്ടിരിക്കും, അദ്ദേഹം അതെല്ലാം മൂളി കേൾക്കും; സൂപ്പർ കൂൾ ആണ് വിജയ്'

''ചിന്‍മയ് മുത്തു മഴൈ പാടിയത് കേട്ടത് മുതല്‍, അതിന് ലഭിച്ച ഗംഭീര സ്വീകരണം ശ്രദ്ധിക്കുകയും അവരുടെ തന്നെ പ്രതികരണം വായിക്കുകയും ചെയ്ത ശേഷം ഞാന്‍ ചിലത് പറയാന്‍ ആഗ്രഹിച്ചിരുന്നു. ചിന്‍മയി സ്‌പെഷ്യല്‍ ഗായികയാണെന്നും അവരുടെ ശബ്ദം കൂടുതല്‍ കൂടുതല്‍ കേള്‍ക്കേണ്ടതാണെന്നും എല്ലാവര്‍ക്കും അറിയാവുന്നതാണ്. വൈരമുത്തുവിനെതിരെ സംസാരിച്ചതിന്റെ പേരില്‍ തുടര്‍ച്ചയായി ആക്രമിക്കപ്പെട്ടിട്ടും തന്റെ നിലപാടില്‍ ഉറച്ചു നിന്ന അവരെ പാര്‍ശ്വവത്കരിക്കുന്നതായി നമുക്കറിയാം. ഈ നിമിഷം ആഘോഷിച്ച ശേഷം അവര്‍ അനുഭവിച്ചു കൊണ്ടിരിക്കുന്നതെല്ലം അവഗണിക്കുകയോ മറക്കുകയോ ചെയ്യുന്നത് പൊറുക്കാനാകാത്തതാണ്. അവരുടെ സംഗീതത്തെ സ്‌നേഹിക്കുക എന്നാല്‍ പരസ്യമായി അവരുടെ കൂടെ നില്‍ക്കുക എന്ന് കൂടിയാണ്.'' എന്നാണ് ടിഎം കൃഷ്ണയുടെ കുറിപ്പ്.

പ്രശസ്ത ഗാനരചയീതാവ് വൈരമുത്തുവിനെതിരെ 2018 ല്‍ ചിന്‍മയി നടത്തിയ മീടു തുറന്നു പറച്ചില്‍ വലിയ വാര്‍ത്തയായിരുന്നു. തമിഴ് സിനിമാ ലോകത്തെ തന്നെ പിടിച്ചുലയ്ക്കുന്നതായിരുന്നു ചിന്‍മയിയുടെ തുറന്ന് പറച്ചില്‍. വെളിപ്പെടുത്തലിന് പിന്നാലെ ചിന്‍മയിക്കെതിരെ സൗത്ത് ഇന്ത്യന്‍ സിനിമ ടെലിവിഷന്‍ ആര്‍ട്ടിസ്റ്റ്‌സ് ആന്റ് ഡബ്ബിങ് ആര്‍ട്ടിസ്റ്റ്‌സ് യൂണിയന്‍ വിലക്ക് ഏര്‍പ്പെടുത്തി. അഞ്ച് വര്ഷമായി താരത്തിനെതിരെ വിലക്ക് തുടരുകയാണ്. ഇതിനിടെയാണ് കഴിഞ്ഞ ദിവസം തഗ്ഗ് ലൈഫ് വേദിയില്‍ ചിന്‍മയ് പാടുന്നത്. അതേസമയം സിനിമയില്‍ ഈ ഗാനം പാടിയിരിക്കുന്നത് ദീ ആണ്.