ഓസ്കർ നേട്ടത്തിലൂടെ ഇന്ത്യൻ സിനിമയ്ക്ക് തന്നെ അഭിമാനമായി മാറിയ ​ഗാനമാണ് ആർആർആറിലെ 'നാട്ടു നാട്ടു'. റിലീസ് ചെയ്ത് മാസങ്ങൾ കഴിഞ്ഞിട്ടും ഈ ​ഗാനം സൃഷ്ടിച്ച ഓളം കെട്ടടങ്ങിയിട്ടില്ല. ഇപ്പോൾ വൈറലാവുന്നത് യുക്രൈൻ സൈനികരുടെ നാട്ടു നാട്ടു വിഡിയോ ആണ്. സിനിമയിലെ ​ഗാനരം​ഗം ഒന്നാകെ പുനർസൃഷ്ടിച്ചിരിക്കുകയാണ് സൈനികർ. 

​ഗാനത്തിലെ വരികളിലും മാറ്റമുണ്ട്. യുക്രൈനിലെ റഷ്യൻ അധിനിവേശത്തേക്കുറിച്ചും അതിനോടുള്ള ചെറുത്തുനിൽപ്പിനെക്കുറിച്ചുമാണ് ​ഗാനത്തിലൂടെ പറയുന്നത്. ആർആർആറിലെ നായകന്മാർ ബ്രിട്ടനെതിരെ പോരാട്ടം നടത്തിയതുപോലെയാണ് തങ്ങളുടെ പോരാട്ടം എന്നാണ് ​ഗാനത്തിലൂടെ യുക്രൈൻ സൈനികർ വ്യക്തമാക്കുന്നത്. ഡ്രോൺ ഉപയോ​ഗിച്ച് യുദ്ധപരിശീലനം നടത്തുന്നതും ​ഗാനരം​ഗത്തിൽ വ്യക്തമാക്കുന്നുണ്ട്. യഥാർത്ഥ സൈനികർ തന്നെയാണ് വിഡിയോയിൽ എത്തുന്നത് എന്നാണ് പുറത്തുവരുന്ന റിപ്പോർട്ടുകൾ. 

ഇതിനോടകം ആറു ലക്ഷത്തിൽ അധികം പേരാണ് വിഡിയോ കണ്ടത്. രാംചരണും ജൂനിയര്‍ എന്‍.ടി.ആറും മല്‍സരിച്ച് ചുവടുവച്ച ​ആർ.ആർ.ആറിലെ ​ഗാനരം​ഗം ചിത്രീകരിച്ചത് യുക്രെയ്ന്‍ പ്രസിഡന്റിന്റെ കൊട്ടാരത്തിനു മുന്നിലാണെന്നത് പ്രത്യേകതയാണ്. റഷ്യയുടെ യുക്രെയ്ൻ അധിനിവേശത്തിന് മാസങ്ങൾക്ക് മുൻപായിരുന്നു ചിത്രീകരണം. 

Військові з Миколаєва зняли пародію на пісню #NaatuNaatu з фільму "RRR", головний саундтрек якого виграв Оскар цього року.

У оригінальній сцені гол.герої піснею виражають протест проти британського офіцера (колонізатора) за те, що він не пустив їх на зустріч. pic.twitter.com/bVbfwdjfj1
— Jane_fedotova

ഈ വാര്‍ത്ത കൂടി വായിക്കൂ 

ആരാധകന്റെ സുഖമില്ലാത്ത അമ്മയെ കാണാൻ ഓട്ടോയിൽ എത്തി സൂരി; ഹൃദയം കവർന്ന് വീഡിയോ​

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ