ദളപതി 69 ന്റെ വിവരങ്ങൾ ഓരോന്നായി പുറത്തുവരുകയാണ്. കഴിഞ്ഞ ദിവസമായിരുന്നു ചിത്രത്തിന്റെ പൂജ ചടങ്ങുകൾ നടന്നത്. പൂജ ചടങ്ങിന്റെ ചിത്രങ്ങളും സോഷ്യൽ മീ‍‍ഡിയയിൽ വൈറലായി മാറിയിരുന്നു. ചിത്രത്തിനായി സം​ഗീത സംവിധാനമൊരുക്കുന്നത് അനിരുദ്ധ് രവിചന്ദറാണ്.

ദളപതിയ്ക്ക് വേണ്ടി അടിച്ചുപൊളി പാട്ടാണ് അനി ഒരുക്കിയിരിക്കുന്നതെന്നാണ് റിപ്പോർട്ടുകൾ പറയുന്നത്. ഈ ​ഗാനരം​ഗത്തിന്റെ ചിത്രീകരണം തുടങ്ങിയെന്നും തമിഴ് മാധ്യമങ്ങൾ റിപ്പോർട്ട് ചെയ്യുന്നു. എച്ച് വിനോദ് ആണ് ദളപതി 69 സംവിധാനം ചെയ്യുന്നത്.

മലയാളത്തിൽ നിന്ന് മമിത ബൈജുവും ചിത്രത്തിൽ പ്രധാന വേഷത്തിലെത്തുന്നുണ്ട്. കത്തി, മാസ്റ്റർ, ബീസ്റ്റ്‌, ലിയോ എന്നീ ചിത്രങ്ങളിലും അനിരുദ്ധും വിജയ്‌യും ഒന്നിച്ച് പ്രവർത്തിച്ചിട്ടുണ്ട്. വിജയ് ആരാധകരെയും സോഷ്യൽ മീഡിയയും ഇളക്കി മറിക്കാൻ പോകുന്ന പാട്ടായിരിക്കും അനിരുദ്ധ് വിജയ്ക്കായി ഒരുക്കുക എന്ന കമന്റുകളും സൈബറിടങ്ങളിൽ നിറയുന്നുണ്ട്.

ഹ ഹ ഹ... ഹി ഹി ഹി; ലഹരിക്കേസ് വിവാദങ്ങൾക്കിടെ ഇൻസ്റ്റ​ഗ്രാം സ്റ്റോറിയുമായി പ്രയാഗ മാർട്ടിൻ

2025 ഒക്ടോബറിലാണ് ചിത്രം റിലീസ് ചെയ്യുന്നത്. കെ വി എൻ പ്രൊഡക്ഷൻസിന്റെ ബാനറിൽ വെങ്കട്ട് കെ നാരായണയാണ് ചിത്രം നിർമ്മിക്കുന്നത്. പൂജ ഹെ​ഗ്ഡെയാണ് ചിത്രത്തിൽ വിജയ്‌യുടെ നായികയായെത്തുന്നത്.