രാമായണത്തെ ആസ്പദമാക്കി ഓം റൗത്ത് സംവിധാനം ചെയ്ത ആദിപുരുഷ് കഴിഞ്ഞ ദിവസമാണ് തിയറ്ററില്‍ എത്തിയത്. പ്രഭാസ് നായകനായി എത്തിയ ചിത്രത്തെ വിമര്‍ശിച്ചുകൊണ്ട് നിരവധി പേരാണ് എത്തുന്നത്. രാമായണത്തെ മോശമായി ചിത്രീകരിച്ചു എന്നാണ് ആരോപണം. ഇപ്പോള്‍ അതില്‍ മറുപടിയുമായി സംവിധായകന്‍ ഓം റൗട്ട് തന്നെ രംഗത്തെത്തിയിരിക്കുകയാണ്. 

താന്‍ മനസിലാക്കിയ രാമായണമാണ് ചിത്രത്തില്‍ കാണിച്ചിരിക്കുകന്നത് എന്നാണ് അദ്ദേഹം പറഞ്ഞത്. ആര്‍ക്കും രാമായണം മുഴുവനായി മനസിലാക്കാനാവില്ലെന്നും ഓം റൗട്ട് പറയുന്നു. രാമായണം മനസിലായി എന്നു പറയുന്നവര്‍ വിഡ്ഢികളാണെന്നും അവര്‍ നുണ പറയുകയാണെന്നും സംവിധായകന്‍ കൂട്ടിച്ചേര്‍ത്തു. 

മോശം അഭിപ്രായങ്ങള്‍ക്കിടയിലും ബോക്‌സ്ഓഫിസില്‍ വന്‍ മുന്നേറ്റമാണ് ചിത്രം നടത്തുന്നത്. രണ്ട് ദിവസം കൊണ്ട് ചിത്രം 300 കോടിയോട് അടുത്തിരിക്കുകയാണ്. ആദ്യ ദിവസം തന്നെ 140 കോടിയാണ് ചിത്രം വാരിയത്. രണ്ടാം ദിവസം 100 കോടിക്ക് മുകളിലായിരുന്നു ബോക്‌സ് ഓഫിസ് കളക്ഷന്‍ എന്നാണ് റിപ്പോര്‍ട്ടുകള്‍. ചിത്രത്തിന്റെ ബോക്‌സ് ഓഫിസ് കളക്ഷനില്‍ സന്തോഷമുണ്ടെന്നും ഓം റൗട്ട് പറഞ്ഞു.

ഈ വാർത്ത കൂടി വായിക്കൂ 

'ഉറങ്ങാന്‍ നേരം പത്ത് മിനിറ്റ് ചോദിച്ചു, നിന്റെ അച്ചാച്ചന്‍ അഭിമാനിക്കുന്നുണ്ടാകും'; അല്ലിയുടെ കവിതയുമായി പൃഥ്വിരാജ്

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ