സിനിമാ താരങ്ങളുടെ നിരവധി അപരന്മാരാണ് ഇന്ന് സോഷ്യൽ മീഡിയയിൽ. ഒറ്റനോട്ടത്തിൽ ഒറിജിനലാണോ അപരനാണോ എന്നു ആർക്കും കണ്ടുപിടിക്കാനാവില്ല. ഇപ്പോൾ സോഷ്യൽ മീഡിയയിൽ വൈറലാവുന്നത് ബോളിവുഡ് സൂപ്പർതാരം ആലിയ ഭട്ടിന്റെ അപരയാണ്. താരത്തിന്റെ പുതിയ സിനിമയായ ​ഗം​ഗുഭാസ് സ്റ്റൈലിൽ എത്തി അമ്പരപ്പിക്കുകയാണ് യുവതി. 

വെള്ള സാരിയും കൂളിങ് ​ഗ്ലാസും വച്ച് ആലിയയുടെ അതേ സ്റ്റൈലിലാണ് അപരയും എത്തുന്നത്. സെലസ്റ്റി ബെയ്റഗേ എന്ന ഇൻസ്റ്റഗ്രാം അക്കൗണ്ടിലാണ് വിഡിയോ എത്തിയത്. ‘കബ്തക് ചുപ് ബൈത്തേ’ എന്ന ഗാനത്തിനു ചുവടുവയ്ക്കുന്ന വിഡിയോയാണ് യുവതി പങ്കുവച്ചിട്ടുണ്ട്. 50 ലക്ഷത്തിൽ അധികം പേരാണ് ഇതിനോടകം വിഡിയോ കണ്ടത്.

നിരവധി പേരാണ് യുവതിയെ പ്രശംസിച്ചുകൊണ്ട് രം​ഗത്തെത്തിയത്. രണ്ടാമത്തെ ആലിയ ഭട്ട് എന്നാണ് ഒരാൾ കമന്റ് ചെയതത്. ഇത് ആദ്യമായല്ല യുവതിയുടെ വിഡിയോ ഹിറ്റാകുന്നത്. രാജസ്ഥാൻ തെരുവിൽ നിന്നുള്ള യുവതിയുടെ വിഡിയോ കഴിഞ്ഞ വർഷം വൈറലായിരുന്നു.  അസ്സം സ്വദേശിയായ യുവതിക്ക് സോഷ്യൽ മീഡിയയിൽ നിരവധി ആരാധകരുണ്ട്. നിരവധി വിഡിയോകളും യുവതി സോഷ്യൽ മീഡിയയിൽ പങ്കുവയ്ക്കാറുണ്ട്. 

ഈ വാര്‍ത്ത കൂടി വായിക്കാം 

ഞാൻ ആണുങ്ങളെ തല്ലുമെന്ന് പറഞ്ഞുപരത്തുന്നു, എനിക്ക് കല്യാണം കഴിക്കാൻ പറ്റുമെന്ന് തോന്നുന്നില്ല; കങ്കണ റണാവത്ത്

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ