കത്തുവ സംഭവത്തില്‍ പ്രതികരിക്കാത്തതില്‍ ബോളിവുഡ് താരം അമിതാഭ് ബച്ചനെ വിമര്‍ശിച്ച് കഴിഞ്ഞ ദിവസമാണ് നടി പൂജ ഭട്ട് രംഗത്തെത്തിയത്. ഇതോടെ സോഷ്യല്‍ മീഡിയയില്‍ പൂജയ്ക്ക് എതിരേ വലിയ അക്രമണമാണ് നടക്കുന്നത്. അറിയപ്പെടുന്ന മദ്യപാനി എന്നാണ് ഒരു ബിഗ് ബി ഫാന്‍ പൂജയെ വിളിച്ചത്. 

കാലത്തിന് അനുസരിച്ച് വരുന്ന കീടവും അറിയപ്പെടുന്ന മദ്യപാനിയുമായ പൂജ പ്രശസ്തിക്കുവേണ്ടയാണ് ബിഗ് ബിയെ വിമര്‍ശിച്ചത് എന്നാണ് അനുപം മിശ്ര പറഞ്ഞത്. ഇതിനുള്ള പൂജയുടെ മറുപടിയാണ് കൈയടി നേടിയിരിക്കുന്നത്. 'ഒരു കാലത്ത് താന്‍ മദ്യപിച്ചിരുന്നു. എന്നാല്‍ താന്‍ അതില്‍ നിന്നും വിമുക്തി നേടി വന്ന വ്യക്തിയാണ്. അതില്‍ അഭിമാനിക്കുന്നു. രാജ്യത്ത് മദ്യപാനവുമായി ബന്ധപ്പെട്ട പ്രശ്‌നങ്ങളുണ്ട്. അത് ചര്‍ച്ച ചെയണം' പൂജ പറഞ്ഞു. 

കത്തുവ സംഭവത്തെക്കുറിച്ച് ചര്‍ച്ച ചെയ്യുന്നത് നിര്‍ത്തണമെന്നും മടുപ്പ് ഉളവാക്കണമെന്നും പറഞ്ഞുകൊണ്ടുള്ള ബച്ചന്റെ പ്രതികണത്തിനെതിരേയാണ് പൂജ വിമര്‍ശിച്ചത്. മൂന്ന് വര്‍ഷങ്ങള്‍ക്ക് മുന്‍പ് പൂജ കടുത്ത മദ്യപാനിയായിരുന്നു. ഇതിനെ വളരെ അധികം കഷ്ടപ്പെട്ടാണ് പൂജ നിര്‍ത്തിയത്. പത്ത് വര്‍ഷം കൂടി തനിക്ക് ജീവിക്കണമെന്നുണ്ടെന്ന് പറഞ്ഞായിരുന്നു പൂജ കൂടി നിര്‍ത്തിയത്.