മലയാളികളുടെ പ്രിയ താരകുടുംബങ്ങളിലൊന്നാണ് നടന്‍ കൃഷ്ണകുമാറിന്റേത്. അന്നും ഇന്നും മലയാളികള്‍ക്ക് ഒരു പ്രത്യേക ഇഷ്ടക്കൂടുതലുണ്ട് ഈ കുടുംബത്തോട്. അച്ഛനെക്കൂടാതെ മക്കള്‍ അഹാനയും ഹന്‍സികയും സിനിമാതാരങ്ങളാണ്. 

ചുരുങ്ങിയ ചിത്രങ്ങളിലൂടെ സിനിമാ പ്രേക്ഷകരുടെ മനം കവരാന്‍ കൃഷ്ണ കുമാറിന്റെ മകള്‍ അഹാനയ്ക്കും സാധിച്ചു. മൂന്നാമത്തെ മകള്‍ ഇഷാനിയും മമ്മൂട്ടിച്ചിത്രം വണ്ണിലൂടെ അഭിനയരംഗത്തേക്ക് എത്തിയിരിക്കുകയാണ്.

ഇപ്പോള്‍ കൃഷ്ണകുമാറിന്റെ ഭാര്യ സിന്ധുവിന് മക്കള്‍ നല്‍കിയ പിറന്നാള്‍ സര്‍പ്രൈസ് ആണ് ആരാധകര്‍ ഏറ്റെടുത്തിരിക്കുന്നത്. ഉറക്കത്തിലായിരുന്ന അച്ഛനെ ബുദ്ധിമുട്ടിക്കാതെയായിരുന്നു പിറന്നാള്‍ ആഘോഷം.

അമ്മയ്ക്കു വേണ്ടി മുറികളെല്ലാം ബലൂണുകളാല്‍ അലങ്കരിച്ച മക്കള്‍ പ്രത്യേക കേക്കും തയ്യാറാക്കിയിരുന്നു. ഇതിനു പുറമെ വില കൂടിയ ആഢംബര ഫോണും സമ്മാനമായി നല്‍കി. കൂടാതെ മക്കള്‍ ഓരോരുത്തര്‍ക്കും അമ്മയെ പിറന്നാള്‍ ആശംസിച്ചതിന്റെ ചിത്രങ്ങള്‍ കൃഷ്ണകുമാര്‍ ഇന്‍സ്റ്റഗ്രാമില്‍ പങ്കുവെച്ചിരുന്നു. ഇന്ന് അഹാനയുടെ അക്കൗണ്ടിലും നിറയെ അമ്മയുടെ പിറന്നാള്‍ ആഘോഷ വിശേഷങ്ങളാണ് നിറയുന്നത്.