ക്രിക്കറ്റ് താരം ജസ്പ്രീത് ഭൂംറയും ബോളിവുഡ് താരം റാഷി ഖന്നയും പ്രണയത്തിലാണെന്നുള്ള വാര്‍ത്ത പ്രചരിക്കാന്‍ തുടങ്ങിയിട്ട് നാള് കുറേ ആയി. ഇരുവരും ഉടന്‍ വിവാഹിതരാകുമെന്നുവരെ വന്നിരുന്നു. എന്നാല്‍ എല്ലാ വാര്‍ത്തകളേയും നിഷേധിച്ച് രംഗത്തെത്തിയിരിക്കുകയാണ് റാഷി ഖന്ന. ഭൂംറയെ നേരിട്ട് കണ്ടിട്ടുപോലുമില്ലെന്നാണ് നടി പറയുന്നത്. 

'ഭൂംറ ഒരു ക്രിക്കറ്റ് താരമാണെന്ന് എനിക്ക് അറിയാം. അത്രയേയുള്ളൂ. അതിനപ്പുറം ഒന്നുമില്ല. അയാളെ എനിക്ക് നേരില്‍ അറിയുക പോലുമില്ല. ഒരിക്കല്‍പ്പോലും തമ്മില്‍ കണ്ടിട്ടുമില്ല. ഇപ്പോള്‍ കേള്‍ക്കുന്ന പ്രണയവാര്‍ത്തകളൊന്നും സത്യമല്ല' ഒരു ടിവി ഷോയില്‍ റാഷി വ്യക്തമാക്കി. ഒരു സ്ത്രീയെക്കുറിച്ച് ഇങ്ങനെ കെട്ടുകഥകള്‍ മെനയുന്നത് ശരിയല്ലെന്നും സങ്കടകരമായ കാര്യമാണിതെന്നും നടി പറഞ്ഞു. 

ഭൂംറയുമായി പ്രണയത്തിലാണെന്നുള്ള വാര്‍ത്തകളെക്കുറിച്ച് ഇത് ആദ്യമായാണ് റാഷി ഖന്ന പ്രതികരിക്കുന്നത്. ബോളിവുഡില്‍ അരങ്ങേറ്റം കുറിച്ച നടി ഇപ്പോള്‍ തെന്നിന്ത്യന്‍ സിനിമയില്‍ ചുവടുറപ്പിച്ചിരിക്കുകയാണ്. മോഹന്‍ലാല്‍ നായകനായെത്തിയ വില്ലന്‍ എന്ന ചിത്രത്തിലെ റാഷിയുടെ പൊലീസ് കഥാപാത്രം പ്രേക്ഷകശ്രദ്ധ നേടിയിരുന്നു.