കൊച്ചി: കഴിഞ്ഞ വര്‍ഷത്തെ പ്രളയത്തില്‍ ഹിറോയായിരുന്നു ടൊവിനോ. അരിച്ചാക്ക് ചുമന്നും ജനങ്ങള്‍ക്ക് സഹായമെത്തിച്ചും രക്ഷാപ്രവര്‍ത്തനത്തിന് ചുക്കാന്‍ പിടിച്ചുമെല്ലാം ടൊവിനോ ഒപ്പം തന്നെയുണ്ടായിരുന്നു. എന്നാല്‍ ഇതെല്ലാം സിനിമ ആളുകള്‍ കാണാനുള്ള തന്ത്രമാണെന്ന് ചിലര്‍ ആരോപിച്ചു. മനുഷ്യത്വമുള്ളത് കൊണ്ടാണ് ചെയ്യുന്നതെന്ന് ടൊവിനോ ആവര്‍ത്തിച്ചെങ്കിലും ആരോപണം അവസാനിച്ചില്ല. തനിക്കതിലുണ്ടായ വിഷമം പല അവസരങ്ങളിലും താരം തുറന്നുപറഞ്ഞിട്ടുണ്ട്. ഇപ്പോള്‍ വീണ്ടുമൊരു പ്രളയകാലത്ത്, എന്തുകൊണ്ടാണ് പ്രളയപോസ്റ്റുകള്‍ ഇടാതിരിക്കുന്നതെന്ന് ടൊവിനോ വിശദീകരിക്കുന്നു. കുറിപ്പിന്റെ പൂര്‍ണ്ണരൂപം:

കുറേ ആളുകളെ പേടിച്ചിട്ടാണ് flood alert post ഒക്കെ ഇടാതിരുന്നത് . അതിട്ടാല്‍ ,അതും ഞാന്‍ സിനിമ പ്രൊമോഷന്റെ ഭാഗമായിട്ട് ചെയ്യുന്നതാണ് എന്നും പാഞ്ഞോണ്ടു കുറെ പേര് പറയും . ഒരിക്കല്‍ അത് ഞാന്‍ അനുഭവിച്ചതും ഇപ്പോഴും അനുഭവിച്ചുകൊണ്ടിരിക്കുന്നതും ആണ് . അപ്പൊ ഇനി നിങ്ങള് പറ. ഞാന്‍ ഇനി സിനിമ post ഒന്നും ഇടുന്നില്ല. ഫുള്‍ alert posts ആയിരിക്കും അപ്പൊ മോശം എന്നും പറഞ്ഞോണ്ട് വരുന്നൊരെ എന്ത് ചെയ്യണം എന്നുംകൂടെ ഒന്ന് പറ !

ഏതായാലും അതൊന്നും പറഞ്ഞു കളയാന്‍ ഇപ്പൊ സമയം ഇല്ല ! Let's stand together and survive !!!!