സോഷ്യൽ മീഡിയയിൽ ആക്റ്റീവായ താരജോഡികളാണ് ജന്ദ്രജിത്തിന്റേയും പൂർണിമയുടേയും. കുടുംബത്തേക്കുറിച്ചും സിനിമയേക്കുറിച്ചുമുള്ള വിശേഷങ്ങളെല്ലാം ഇവർ ആരാധകരുമായി പങ്കുവെക്കാറുണ്ട്. ഇപ്പോൾ ശ്രദ്ധ നേടുന്നത് പൂർണിമയുടേയും ഇന്ദ്രജിത്തിന്റേയും ഹണിമൂൺ യാത്രയുടെ ചിത്രങ്ങളാണ്. വേണമെങ്കിൽ അതിനെ സ്കൂൾ വിനോദയാത്രയെന്ന് വിളിക്കാം എന്നാണ് താരം കുറിക്കുന്നത്. ഇരു കൈകളും കോർത്ത് മകളിലേക്ക് പിടിച്ച് നിൽക്കുന്ന ഇരുവരേയുമാണ് ചിത്രത്തിൽ കാണുന്നത്. നല്ല ഹണിമൂണിനായി നിർബന്ധമായി വേണമെന്ന് കരുതുന്ന എല്ലാ പോസുകളും തങ്ങളുടെ കൈയിലുണ്ടെന്നാണ് പൂർണിമ കുറിക്കുന്നത്. 

പൂർണിമയുടെ കുറിപ്പ് വായിക്കാം

ഞങ്ങളുടെ ഹണിമൂൺ, വേണമെങ്കിൽ സ്കൂൾ എക്സ്കർഷൻ എന്നു വിളിക്കാ. അതേ, ഞങ്ങളും അവിടെയെത്തി ഇതൊക്കെയാണ് ചെയ്തത്. ദയവായി ശ്രദ്ധിക്കൂ, ജന്ദർ മന്ദറിലൂടെ ഞങ്ങൾ ഓടുന്നതിന്റേയും ചുട്ടുപൊള്ളുന്ന റോസ് ​​ഗാർഡനെ പശ്ചാത്തലമാക്കി ചുട്ടുപൊള്ളുന്ന വെയിലിലേക്ക് നോക്കിനിൽക്കുന്നതിന്റേയും ചിത്രങ്ങളുമുണ്ട്. നല്ല ഹണിമൂണിനായി നിർബന്ധമായി വേണമെന്ന് കരുതുന്ന എല്ലാ പോസുകൾ ഞങ്ങൾ എടുത്തിട്ടുണ്ട്. ഞങ്ങളുടെ വസ്ത്രത്തിൽ നിന്നും ചെരിപ്പിൽ നിന്നുംകണ്ണെടുക്കാൻ തോന്നുന്നില്ല. ഒരേ നിറത്തിലുള്ള വസ്ത്രങ്ങളിൽ നിൽക്കുന്നത് എന്നിൽ രോമാഞ്ചമുണ്ടാക്കുന്നുണ്ട്.