പ്രേക്ഷകരുടെ പ്രിയപ്പെട്ട ഹാസ്യതാരമാണ് ഹരിശ്രീ അശോകന്‍. ചിരിയുടെ മാലപ്പടക്കം പൊട്ടിക്കുന്ന നിരവധി വേഷങ്ങളിലൂടെ പ്രേക്ഷകരുടെ ഇഷ്ടതാരമായി മാറിയ ഹരിശ്രീ അശോകന്‍ പുതിയൊരു വാഹനം വാങ്ങിയിരിക്കുകയാണ്. ടൊയോറ്റയുടെ ഏറ്റവും പുതിയ മോഡലായ ഇന്നോവ ക്രിസ്റ്റ.

കൊച്ചിയിലെ കളമശേരി ഡീലര്‍ഷിപ്പില്‍ നിന്നാണ് താരം ക്രിസ്റ്റ സ്വന്തമാക്കിയത്. ഏകദേശം 15.06 ലക്ഷം മുതല്‍ 22.56 ലക്ഷം രൂപവരെയാണ് ക്രിസ്റ്റയുടെ എക്‌സ്‌ഷോറൂം വില. ടൊയോട്ടയുടെ ജനപ്രിയ വാഹനങ്ങളിലൊന്നായ ഇന്നോവയുടെ പുതിയ പതിപ്പ് പുറത്തിറങ്ങിയത് 2016 ആദ്യമാണ്. കൂടുതല്‍ പ്രീമിയമായി എത്തിയ വാഹനത്തിന് ആരാധകരേറെയാണ്. 

പുതിയ മോഡല്‍ ക്രിസ്റ്റയുടെ രണ്ടു ഡീസല്‍ പതിപ്പുകളും ഒരു പെട്രോള്‍ പതിപ്പുമാണ് കമ്പനി പുറത്തിറക്കിയത്. 2.8 ലിറ്റര്‍ ഡീസല്‍ 2.4 ലിറ്റര്‍ ഡീസല്‍ എന്നിവയാണ് ഇന്നോവയുടെ വകഭേദങ്ങള്‍. അതില്‍ 2.8 ലിറ്റര്‍ ഡീസല്‍ എന്‍ജിനൊപ്പം ആറ് സ്പീഡ് ഓട്ടമാറ്റിക് വകഭേദവും ലഭ്യമാണ്.