പ്രശസ്ത മോഡലും നടനുമായ മിലിന്ദ് സോമന്‍ തന്റെ കാമുകിയായ അങ്കിത കൗറിനെ വിവാഹം കഴിച്ചു. മെഹന്തി ആഘോഷത്തിന്റെ ചിത്രങ്ങള്‍ ഇതിനോടകം തന്നെ സോഷ്യല്‍മീഡിയയില്‍ വൈറലായി കഴിഞ്ഞു. മെഹന്തിയണിഞ്ഞ കൈ കൊണ്ട് അങ്കിത മിലിന്ദിന്റെ മുഖം മറയ്ക്കുന്നതാണ് ഒരു ചിത്രം. ഇരുവരും തമ്മിലുള്ള റൊമാന്റിക് ചിത്രങ്ങള്‍ നേരത്തേ തന്നെ സമൂഹമാധ്യമങ്ങളില്‍ പ്രചരിച്ചിരുന്നു. മഹാരാഷ്ട്രയിലെ അലിബാഗില്‍ ഇന്ന് രാവിലെയായിരുന്നു വിവാഹം.

പ്രണയത്തിന് പ്രായം ഒരു തടസമല്ല എന്ന് തെളിയിക്കുന്നതാണ് ഇവരുടെ ബന്ധം. മിലിന്ദിന് 52 വയസും. അങ്കിതക്ക് 18 വയസുമാണ് പ്രായം. നേരത്തേ അങ്കിതയ്‌ക്കൊപ്പം തന്റെ 52ാം ജന്മദിനം ആഘോഷിച്ച ചിത്രങ്ങള്‍ മിലിന്ദ് ആരാധകര്‍ക്കായി പങ്കുവച്ചിരുന്നു. അതുകൊണ്ടു തന്നെ മിലിന്ദിനേക്കാള്‍ വളരെ പ്രായം കുറഞ്ഞ അങ്കിതയുമായുളള ബന്ധം സോഷ്യല്‍ മീഡിയയില്‍ ട്രോളുകള്‍ക്ക് കാരണമായിരുന്നു. എന്നാല്‍ അങ്കിത 18കാരി അല്ലെന്നും എയര്‍ ഹോസ്റ്റസായ അങ്കിതയ്ക്ക് 26 വയസുണ്ടെന്നുമാണ് റിപ്പോര്‍ട്ടുകള്‍.

1990 കളില്‍ മോഡലിംഗ് രംഗത്തെ മിന്നും താരമായിരുന്നു മിലിന്ദ് സോമന്‍. സൂപ്പര്‍ മോഡല്‍, നടന്‍, നിര്‍മ്മാതാവ്, ഫിറ്റ്‌നസ് പരിശീലകന്‍, എന്നിങ്ങനെ സര്‍വ്വ മേഖലകളിലും തന്റേതായ മുദ്ര പതിപ്പിക്കാന്‍ മിലിന്ദിന് കഴിഞ്ഞു.