നടൻ ഉണ്ണിമുകുന്ദന്റെ ഒരു പ്രവർത്തി കണ്ട് ഞെട്ടിയിരിക്കുകയാണ് സോഷ്യൽ ലോകം. ഇൻസ്റ്റ​ഗ്രാമിൽ പങ്കുവച്ച തന്റെ ചിത്രത്തിന് താഴെ കമന്റ് ചെയ്ത ആരാധകന് ഉണ്ണി നൽകിയ സർപ്രൈസാണ് ഇതിന് കാരണം. 

മൂന്നാഴ്ച മുൻപ് പോസ്റ്റ് ചെയ്ത ചിത്രത്തിൽ കൂളിങ് ഗ്ലാസ് ഒക്കെ വെച്ച് കിടിലൻ ലുക്കിലായിരുന്നു ഉണ്ണി. എന്നാൽ ചിത്രത്തിന് താഴെ കമന്റ് ചെയ്ത ഒരു ആരാധകൻ ഉണ്ണിയേക്കാൾ ശ്രദ്ധിച്ചത് മു​ഖത്തെ കണ്ണടയിലേക്കാണ്. കണ്ണട ഒരുപാട് ഇഷ്ടമായ ആ ആരാധകന്‍ ‘ഉണ്ണിയേട്ടാ ആ ഗ്ലാസ് തരുമോ, പ്ളീസ്’ എന്നാണ് കമന്റ് കുറിച്ചത്. നിമിഷങ്ങൾക്കുള്ളിൽ അയാളെപ്പോലും ഞെട്ടിച്ചുകൊണ്ട് ഉണ്ണിയുടെ മറുപടിയെത്തി. വീട്ടിലെ മേൽവിലാസം മെസേജ് ആയി അയച്ചുനൽകാനാണ് ഉണ്ണി ആവശ്യപ്പെട്ടത്. പിന്നെ ആ ആരാധകൻ അതേ കൂളിങ് ഗ്ലാസും കയ്യിൽ പിടിച്ചു കൊണ്ടുള്ള ഫോട്ടോയാണ് സമൂഹമാധ്യമങ്ങളിൽ പ്രത്യക്ഷപ്പെട്ടത്. 

വൈഷ്ണവ് എന്ന ആരാധകനാണ് ഉണ്ണിമുകുന്ദൻ കണ്ണട അയച്ചുനൽകിയത്. ഇതിന് പിന്നാലെ  ആവശ്യങ്ങളുടെ നീണ്ട നിരയുമായി ആരാധർ എത്തിയതാണ് കൗതുകമാകുന്നത്. ഉണ്ണിയുടെ ഇൻസ്റ്റ​ഗ്രാം പേജിൽ അടുത്തത് ഫോൺ പിടിച്ചുള്ള ചിത്രം പോസ്റ്റ് ചെയ്യണമെന്നും, എനിക്ക് ഉണ്ണിയുടെ വീട് ഇഷ്ടമായി, കാർ ഇഷ്ടമായി എന്നെല്ലാമാണ് കമന്റുകൾ.