പ്രമുഖ ഹോളിവുഡ് സംവിധായകൻ സ്റ്റീവന്‍ സ്പീല്‍ബര്‍ഗിന്‍ മകൾ പോൺ രം​ഗത്തേക്ക് കടക്കുന്നു. സ്പീല്‍ബര്‍ഗിന്‍റെ വളര്‍ത്തുപുത്രിയും ഇരുപത്തിമൂന്നുകാരിയുമായ മിഖായേലയാണ് പോൺ സിനിമയിലേക്ക് തിരിയുന്നെന്ന് വെളിപ്പെടുത്തിയിരിക്കുന്നത്. ‍സാമ്പത്തിക ലാഭം ലക്ഷ്യം കണ്ടാണ് പോണ്‍ സിനിമകളിലേക്ക് തിരിയുന്നതെന്നും സാമ്പത്തിക സ്വാതന്ത്ര്യമാണ് താൻ ആ​ഗ്രഹിക്കുന്നതെന്നും മിഖായേല പറഞ്ഞു.

"എന്റെ ശരീരം, എന്റെ ജീവിതം, എന്റെ വരുമാനം, എന്റെ തീരുമാനം", എന്നാണ് പുതിയ തീരുമാനം അറിയിച്ചുകൊണ്ടുള്ള ഇൻസ്റ്റ​ഗ്രാം പോസ്റ്റിൽ മിഖായേല കുറിച്ചിരിക്കുന്നത്.  ശരീരത്തെ സമാധാനം കണ്ടെത്തുന്ന രീതിയില്‍ ഉപയോഗിച്ച് തനിയെ സമ്പാദിക്കുന്നതില്‍ താൻ ഒരു തെറ്റും കാണുന്നില്ലെന്നാണ് മിഖേലയുടെ അഭിപ്രായം. 

സ്പീല്‍ബര്‍ഗും ഭാര്യ ക്യാപ്ഷോയും ഏത് മേഖല തിരഞ്ഞെടുക്കുന്നതിനെയും പ്രോല്‍സാഹിപ്പിക്കുക മാത്രമാണ് ചെയ്യുകയെന്നും മിഖായേല  പറഞ്ഞു. പോണ്‍ താരമാകുന്നതിനേക്കുറിച്ച് അവരോട് പറഞ്ഞെന്നും തന്‍റെ സുരക്ഷിതത്വം അവര്‍ക്ക് ശ്രദ്ധയുള്ള കാര്യമാണെങ്കിലും തീരുമാനത്തെ നിരുല്‍സാഹപ്പെടുത്തിയിട്ടില്ലെന്നും മിഖായേല അറിയിച്ചു. താന്‍ പറയുന്ന കാര്യങ്ങൾ ലോകത്തിന്‍റെ എല്ലാ ഭാഗങ്ങളില്‍ ഉള്ളവര്‍ക്കും സ്വീകാര്യമായിരിക്കുമെന്ന ധാരണ തനിക്കില്ലെന്നും മിഖായേല കൂട്ടിച്ചേർത്തു.