36 വർഷം മുമ്പ് തന്റെ പേരിൽ വന്ന കട ഉദ്ഘാടനത്തിന്റെ ഒരു പത്രപ്പരസ്യം പങ്കുവച്ചിരിക്കുകയാണ് നടൻ റഹ്മാൻ. നടൻ ആദ്യമായി അഭിനയിച്ച പി പത്മരാജന്‍റെ കൂടെവിടെ തിയറ്ററുകളിലെത്തിയതിനു പിറ്റേ വര്‍ഷം പങ്കെടുത്ത ഉദ്ഘാടന പരിപാടിയുടെ പത്രപ്പരസ്യമാണ് റഹ്മാന്‍ ഫെയ്സ്ബുക്കിലൂടെ പങ്കുവച്ചത്. 

"സുപ്രിം ഡ്രസസ്സ്, ചാല ബസ്സാർ തിരുവനന്തപുരം. കട ഉദ്ഘാടനം ‘കൂടെവിടെ’ നായകൻ", റഹ്മാന്റെ പാസ്പോസർട്ട് സൈസ് ഫോട്ടോയടക്കം ഉള്ള പരസ്യത്തിലെ വാചകങ്ങൾ ഇങ്ങനെയാണ്.

തിരുവനന്തപുരം ചാലയില്‍ പുതുതായി ആരംഭിച്ച ഒരു വസ്ത്രശാലയുടെ ഉദ്ഘാടനത്തിന്‍റേതാണ് പരസ്യം. 1984 ഓഗസ്റ്റ് 17നാണ് ഉദ്ഘാടനമെന്നും ചടങ്ങ് നിര്‍വഹിക്കുന്നത് പ്രസിദ്ധ സിനിമാ നടന്‍ റഹ്മാന്‍ ആണെന്നും പരസ്യത്തില്‍ പറയുന്നു.  1984 ല്‍ ഉദ്ഘാടനം ചെയ്ത കട ഇപ്പോഴുമുണ്ടെന്നും ഉടൻ തന്നെ അതിന്റെ പുനർനിർമാണം ഉണ്ടാകുമെന്നുമൊക്കെ കുറിച്ച് രസകരമായ കമന്റുകളുമായി ആരാധകരും പോസ്റ്റിന് താഴെ എത്തിയിട്ടുണ്ട്.