54-ാം ജന്‍മദിനാഘോഷത്തില്‍ രാജ്യത്തെ എല്ലാ പൗരന്‍മാരോടും വോട്ട് ചെയ്യാന്‍ അഭ്യര്‍ത്ഥിച്ച് ബോളിവുഡിന്റെ മിസ്റ്റര്‍ പെര്‍ഫക്ഷനിസ്റ്റ് ആമീര്‍ ഖാന്‍. ഇത് തെരഞ്ഞെടുപ്പ് വര്‍ഷമാണ്, ലോകത്തിലെ ഏറ്റവും വലിയ ജനാധിപത്യ രാജ്യമായ ഇന്ത്യയിലെ ജനങ്ങള്‍ ഉറപ്പായും വോട്ട് ചെയ്യണം. വോട്ട് ചെയ്ത് തെരഞ്ഞെടുപ്പ് വിജയമാക്കി മാറ്റണം- അദ്ദേഹം പറഞ്ഞു. എല്ലാക്കൊല്ലത്തേയും പോലെ ഭാര്യ കിരണ്‍ റാവുവിനൊപ്പം കേക്ക് മുറിച്ചിയായിരുന്നു ആമിറിന്റെ പിറന്നാള്‍ ആഘോഷം. 

ആമിര്‍ ഉള്‍പ്പെടെയുള്ള താരങ്ങളോട്, ജനങ്ങളെ വോട്ട് ചെയ്യാന്‍ പ്രേരിപ്പിക്കണമെന്ന് പ്രധാനമന്ത്രി നരേന്ദ്ര മോദി അഭ്യര്‍ത്ഥിച്ചിരുന്നു. തെരഞ്ഞെടുപ്പില്‍ ബിജെപിയെ അനുകൂലിക്കുമോ എന്ന ചോദ്യത്തിന് താന്‍ ഒരു രാഷ്ട്രീയപാര്‍ട്ടിയെയും പിന്തുണയ്ക്കില്ല എന്നായിരുന്നു ആമിറിന്റെ മറുപടി.