മാധുരി ദീക്ഷിത് മനോഹരമാക്കിയ ഏക് ദോ തീന്‍.. ഇപ്പോഴും എല്ലാവര്‍ക്കും ആവേശമാണ്. മാധുരിക്ക് പകരം മറ്റൊരാളെ ഈ ഗാനത്തില്‍ സങ്കല്‍പ്പിക്കാന്‍ നിങ്ങള്‍ക്കാകുമോ? എന്നാല്‍ ഏക് ദോ തീനിന് മറ്റൊരു അവകാശികൂടി എത്തിയിരിക്കുകയാണ്. ജാക്വിലിന്‍ ഫെര്‍ണാണ്ടസ്. ബാഗി 2 എന്ന ചിത്രത്തിനായാണ് സൂപ്പര്‍ഹിറ്റ് ഗാനത്തെ ഉപയോഗിച്ചിരിക്കുന്നത്. 

മാധുരിയേപ്പോലെ തനിക്കും മനോഹരമായി നൃത്തം ചെയ്യാനാവുമെന്ന് തെളിയിക്കാനും ഈ ഗാനത്തിലൂടെ ജാക്വിലിന് കഴിഞ്ഞു. മാധുരി ദീക്ഷിതിന്റെ തെസാബ് എന്ന ചിത്രത്തിലെ ഗാനമാണ് ഏക് ദോ തീന്‍. വലിയ പ്രേക്ഷക സ്വീകാര്യത നേടിയ ഗാനം യഥാര്‍ത്ഥത്തില്‍ പാടിയിരിക്കുന്നത് അല്‍ക യാഗ്നിക്കാണ്. പുതിയ പാട്ട് ആലപിച്ചിരിക്കുന്നത് ശ്രെയ ഘോഷാലാണ്.