ബോളിവുഡിലെ ഗോസിപ്പുകാര്‍ ആരൊക്കെയാണെന്ന് തുറന്നു പറഞ്ഞിരിക്കുകയാണ് നടി അനന്യ പാണ്ഡെ. ബോളിവുഡ് ഹങ്കാമയ്ക്ക് നല്‍കിയ അഭിമുഖത്തിലായിരുന്നു താരത്തിന്റെ തുറന്നു പറച്ചില്‍. ബോളിവുഡ് സൂപ്പര്‍താരങ്ങളായ കരീന കപൂര്‍, രണ്‍ബീര്‍ കപൂര്‍, സൂപ്പര്‍ഹിറ്റ് സംവിധായകന്‍ കരണ്‍ ജോഹര്‍ എന്നിവരാണ് ബോളിവുഡിലെ ഗോസിപ് ഗേള്‍സ് എന്നാണ് താരം പറയുന്നത്.

ബോളിവുഡില്‍ നടക്കുന്ന എല്ലാ കാര്യങ്ങളെക്കുറിച്ച് ഇവര്‍ക്ക് അറിയാമെന്നും അനന്യ വ്യക്തമാക്കി. 'കരീന, കരണ്‍ ജോഹര്‍, രണ്‍ബീര്‍ കപൂര്‍ ഇവരാണെന്നാണ് ഞാന്‍ വിചാരിക്കുന്നത്. ആളുകള്‍ പറയുന്നതും ഇതു തന്നെയല്ലേ, ഇവര്‍ക്ക് എല്ലാത്തിനേയും കുറിച്ച് അറിയാന്‍ സാധിക്കും. അതുകൊണ്ട് ഇവര്‍ മൂന്നു പേരാണ് ഗോസിപ് ഗേള്‍സിനെപ്പോലെയുള്ളത്' - അനന്യ പറഞ്ഞു. ഇതിന് മുന്‍പ് നിരവധി സെലിബ്രിറ്റികള്‍ കരീനയ്ക്കും കരണിനും കണ്‍ബീറിനും ഈ സ്ഥാനം നല്‍കിയിട്ടുണ്ട്‌