മോഹന്‍ലാലിന്റെ കട്ടഫാന്‍ ഒരുക്കിയ ചിത്രം. ലൂസിഫര്‍ കണ്ടിറങ്ങിയവര്‍ ഒറ്റ വാക്കില്‍ പറഞ്ഞത് ഇതാണ്. പൃഥ്വിരാജിന് മോഹന്‍ലാലിനോടുള്ള ആരാധന എത്രയെന്ന് ലൂസിഫര്‍ പറഞ്ഞു തരും. മികച്ച അഭിപ്രായം നേടി മുന്നേറുകയാണ് ചിത്രം. ആദ്യ ദിവസം പിന്നിട്ടതിന് പിന്നാലെ ചിത്രത്തിന്റെ വിജയം ആഘോഷിച്ചിരിക്കുകയാണ് അണിയറ പ്രവര്‍ത്തകര്‍. ചിത്രത്തിലെ പ്രധാന താരങ്ങളും കുടുംബവും ഒന്നടങ്കമാണ് ആഘോഷത്തില്‍ പങ്കുചേര്‍ന്നത്.
നായകന്‍ മോഹന്‍ലാല്‍, ഭാര്യ സുചിത്ര, സംവിധായകന്‍ പൃഥ്വിരാജ്, ഭാര്യ സുപ്രിയ, നിര്‍മാതാവ് ആന്റണി പെരുമ്പാവൂര്‍, ടൊവിനോ തോമസ് തുടങ്ങിയവരാണ് വിജയാഘോഷത്തില്‍ പങ്കുചേര്‍ന്നത്. മോഹന്‍ലാലും പൃഥ്വിരാജും ആന്റണി പെരുമ്പാവൂരും ചേര്‍ന്ന് കേക്ക് മുറിച്ചു. പൃഥ്വിരാജിന് കേക്ക് നല്‍കിയതിന് പിന്നാലെ അദ്ദേഹം മോഹന്‍ലാലിന്റെ കാല്‍ തൊട്ടു തൊഴുതു. തുടര്‍ന്ന് മോഹന്‍ലാല്‍ ആഘോഷത്തില്‍ പങ്കുചേര്‍ന്ന എല്ലാവര്‍ക്കും കേക്ക് നല്‍കി. ആഘോഷത്തിന്റെ വീഡിയോ സോഷ്യല്‍ മീഡിയയില്‍ പങ്കുവെച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates