പ്രേക്ഷകരെ ഒരേ സമയം ത്രസിപ്പിക്കാനും ഭീതിയിലാഴ്ത്താനും രാഗിണി വീണ്ടും എത്തുന്നു. സെക്‌സും ഹൊററും നിറഞ്ഞ രാഗിണി എംഎംഎസ് വെബ്‌ സീരിസിലെ മൂന്നാം ചിത്രത്തിന്റെ ട്രെയിലര്‍ പുറത്തു വിട്ടു.സണ്ണി ലിയോണി മുഖ്യവേഷത്തില്‍ എത്തുന്ന ചിത്രത്തിന്റെ പ്രദര്‍ശനത്തിനായി കാത്തിരിക്കുകയാണ് പ്രേക്ഷകര്‍. രാഗിണി എംഎംഎസ് റീട്ടേണിലെ മൂന്നാമത്തെ പതിപ്പിന്റെ പ്രദര്‍ശനം ഡിസംബര്‍ 18നാണ്.

സീ 5, എഎല്‍ടി ബാലാജി സംയുക്ത സംരംഭമാണ് 'രാഗിണി എംഎംഎസ് റിട്ടേണ്‍സ് സീസണ്‍ 2. സീരീസിലെ മൂന്നാം പതിപ്പും  ഒരു സെക്‌സ്-ഹൊറര്‍ വെബ് സീരീസിന്റെ രൂപത്തിലാണ്. ചിത്രത്തില്‍ ഒരു പാര നോര്‍മല്‍ വിദഗ്ധയായാണ് സണ്ണി ലിയോണി പ്രത്യക്ഷപ്പെടുന്നത്.

ദിവ്യ അഗര്‍വാള്‍, വരുണ്‍ സൂദ്, ആരതി ഖേത്രപാല്‍, ഋഷിക നാഗ്, അദ്യ ഗുപ്ത, വിക്രം സിംഗ് റാത്തോഡ് എന്നിവരാണ് മറ്റ് അഭിനേതാക്കള്‍. ഇരുപതുകാരിയായ രാഗിണി ഷ്രോഫിനെ ചുറ്റിപ്പറ്റിയാണ് ചിത്രത്തിലെ കഥ പുരോഗമിക്കുന്നത്. പെണ്‍കുട്ടികളുടെ സംഘത്തോടൊപ്പം രാഗിണി ഒരു യാത്ര പോകുന്നതാണ് ചിത്രത്തിന്റെ പ്രമേയം. തുടര്‍ന്ന് ഹോട്ടല്‍ ഉടമയായ രാഹുലിനെ പരിചയപ്പെടുന്നതും പിന്നീട് ഉണ്ടാകുന്ന സംഭവബഹുലമായ കാര്യങ്ങളും പ്രേക്ഷകര്‍ക്ക് ത്രില്ലിങ് അനുഭവം നല്‍കുമെന്ന് അണിയറപ്രവര്‍ത്തകര്‍ അവകാശപ്പെടുന്നു.