കൊറോണ വൈറസ് വ്യാപനത്തെത്തുടർന്ന് ക്വാറന്റിനിലാണെങ്കിലും തങ്ങൾ സുരക്ഷിതരാണെന്ന് നടി സംവൃത സുനിൽ. മക്കളായ അഗസ്ത്യയ്ക്കും രുദ്രയ്ക്കുമൊപ്പമുള്ള ചിത്രം പങ്കുവച്ചാണ് അമേരിക്കയിൽ നിന്നുള്ള വിശേഷങ്ങൾ താരം അറിയിച്ചത്. വിഷു ആഘോഷത്തിന്റെ ചിത്രം പങ്കുവച്ചതിന് പിന്നാലെയാണ് മക്കൾക്കൊപ്പമുള്ള ചിത്രം താരം പങ്കിട്ടത്. 

‘ക്വാറന്റീനിൽ ആയിട്ട് ഇപ്പോൾ ഒരുമാസത്തിലേറെയായി. പക്ഷെ എനിക്കൊന്നിനും സമയമില്ല കാരണം എന്റെ കൈകൾ എപ്പോഴും തിരക്കിലാണ്. ഈ സമയം കുടുംബവുമൊത്ത് ചിലവഴിക്കാൻ അവസരം കിട്ടിയതിന് ഒരുപാട് നന്ദിയുണ്ട്.  സുഖവിവരങ്ങൾ തിരക്കിയവരോട്, ഞങ്ങൾ ഇവിടെ സുരക്ഷിതരാണ്. എല്ലാം വളരെ വേഗം ശരിയാകുമെന്ന് വിശ്വസിക്കുന്നു പ്രാർത്ഥിക്കുന്നു.’–സംവൃത കുറിച്ചു.

കഴിഞ്ഞ ഫെബ്രുവരി 20നായിരുന്നു സംവൃതയ്ക്ക് രണ്ടാമത്തെ കുഞ്ഞ് പിറന്നത്. രുദ്രയുടെ ആദ്യ വിഷു കൂടിയാണ് കടന്നുപോയത്. 2012 ലായിരുന്നു സംവൃതയും അഖില്‍ ജയരാജും തമ്മിലുള്ള വിവാഹം നടന്നത്. വിവാഹത്തോടെ സിനിമയിൽ നിന്ന് വിട്ടുനിന്ന താരം അമേരിക്കയിൽ എന്‍ജീനിയറായ ഭര്‍ത്താവിനൊപ്പം സ്ഥിരതമാസമാക്കുകയായിരുന്നു. 2015 ഫെബ്രുവരി 21 നാണ് ഇവർക്ക് ആദ്യത്തെ കുഞ്ഞ് പിറന്നത്. മകന്‍ വലുതായതിന് ശേഷം അഭിനയ ജീവിതത്തിലേക്ക് തിരിച്ചെത്തിയ സംവൃത കഴിഞ്ഞ വര്‍ഷം തിയറ്ററുകളിലേക്ക് എത്തിയ സത്യം പറഞ്ഞാല്‍ വിശ്വസിക്കുമോ എന്ന സിനിമയിൽ അഭിനയിച്ചു.  നോർത്ത് കലിഫോർണിയയിലാണ് സംവൃത താമസിക്കുന്നത്.

.