ഗ്രാമി അവാർഡിനുള്ള നോമിനേഷൻ ലഭിച്ചതിനു പിന്നാലെ വിവാദ പ്രസ്താവനയുമായി ഗായിക കാമില കബെല്ലോയും കാമുകൻ ഷോൺ മെന്റസും.  അവാർഡ് ലഭിച്ചാൽ അടിവസ്ത്രം ധരിച്ച് വേദിയിലെത്തുമെന്നാണ് ഇരുവരും പറഞ്ഞത്. ബെസ്റ്റ് പോപ് ഡുവോ/ഗ്രൂപ്പ് പെർഫോമൻസ് വിഭാഗത്തിലാണ് കാമിലയെയും കാമുകനെയും അവാർഡിനായി നോമിനേറ്റ് ചെയ്തിരിക്കുന്നത്. 

2017ൽ വൺ പൈലറ്റ്സ് ടീം ടെയ്ലർ ജോസഫും ജോഷ് ഡണും ചെയ്തതിനെ ഓർമിപിച്ചായിരുന്നു ഇവരുടെ പ്രസ്താവന. ‘എനിക്കും ഷോണിനും ഗ്രാമി അവാർഡ് ലഭിച്ചാൽ ട്വന്റിവൺ പൈലറ്റ്സ് ചെയ്തതുപോലെ സ്റ്റേജിൽ അടിവസ്ത്രം ധരിച്ച് ഞങ്ങൾ എത്തും’, എന്നാണ് കാമില പറഞ്ഞത്. എന്നാൽ തൊട്ടുപിന്നാലെ താൻ തമാശ പറഞ്ഞതാണെന്നും കാമില പറഞ്ഞു. അങ്ങനെയൊരു കാര്യം സംഭവിക്കണമെങ്കിൽ താൻ അതിന് ഇപ്പോഴേ വർക്കൗട്ട് ചെയ്യേണ്ടി വരുമെന്നും അവർ  കൂട്ടിച്ചേർത്തു. 

2017ൽ റിലീസ് ചെയ്ത ക്രൈയിങ് ക്ലബ് ആണ് കാമിലയുടെ ആദ്യ ആൽബം. ഐ നോ വാട്ട് യു ഡിഡ് ലാസ്റ്റ് സമ്മർ, ബാഡ് തിങ്സ്, ഹവാന, നെവർ ബി ദ് സെയിം എന്നിവ കാമിലയുടെ കരിയറിലെ ശ്രദ്ധേയ  ആൽബങ്ങളാണ്. കുറച്ചു നാളുകളായി കാമിലയും ഷോണും തമ്മിൽ പ്രണയത്തിലാണ്.