നടൻ ദുല്‍ഖര്‍ സല്‍മാന്റെ നിർമാണ കമ്പനിയായ വേ ഫെയറര്‍ ഫിലിംസിന്റെ ബാനറില്‍ ഒരുങ്ങുന്ന മണിയറയിലെ അശോകന്‍ എന്ന പുതിയ ചിത്രത്തിന്റെ പോസ്റ്റര്‍ പുറത്തുവിട്ടു. ദുൽഖർ തന്നെയാണ് പോസ്റ്റർ പുറത്തുവിട്ടത്. നവാഗതനായ ശംസു സയ്ബയാണ് ചിത്രത്തിന്റെ സംവിധായകൻ. 

ജേക്കബ് ഗ്രിഗറി നായകനായെത്തുന്ന ചിത്രത്തിൽ അനുപമ പരമേശ്വരനാണ് നായിക. അനുപമ സഹസംവിധായികയായും ചിത്രത്തില്‍ പ്രവര്‍ത്തിച്ചിരുന്നു. നാട്ടിന്‍പുറത്തുകാരനായ അശോകന്റെ പ്രണയവും കല്യാണവും ആദ്യരാത്രിയുമെല്ലാമാണ് ചിത്രത്തിന്റെ പ്രമേയം. ഇന്ദ്രന്‍സ്, ഷൈന്‍ ടോം ചാക്കോ, കൃഷ്ണശങ്കര്‍, വിജയരാഘവന്‍, സുധീഷ്, ശ്രീലക്ഷ്മി, നയന, ശ്രീദ ശിവദാസ് തുടങ്ങി വലിയ താരനിര തന്നെ ചിത്രത്തിലുണ്ട്. 

വിനീത് കൃഷ്ണനാണ് തിരകഥ. ചിത്രത്തിന്റെ റിലീസ് ഡേറ്റ് പ്രഖ്യാപിച്ചിട്ടില്ല.