ഗംഭീര നൃത്തപ്രകടനങ്ങളിലൂടെ ആരാധകരെ സ്വന്തമാക്കിയ സാനിയ അയ്യപ്പന്‍ ക്വീന്‍ എന്ന സിനിമയിലൂടെ അരങ്ങേറ്റം കുറിച്ച് ഒടുവില്‍ ലൂസിഫറിലെ തകര്‍പ്പം പ്രകടനത്തിലൂടെ പ്രേക്ഷകഹൃദയം കീഴടക്കിയ നടിയാണ്. ഇപ്പോഴിതാ നൃത്തവും അഭിനയവും മാത്രമല്ല പാട്ടും തനിക്ക് വഴങ്ങുമെന്ന് തെളിയിച്ചിരിക്കുകയാണ് സാനിയ. തന്റെ ഇന്‍സ്റ്റഗ്രാം പേജില്‍ സാനിയ തന്നെയാണ് പാട്ട് പാടുന്നതിന്റെ വിഡിയോ പങ്കുവച്ചിരിക്കുന്നത്. 

ഫഹദും സായി പല്ലവിയും ഒന്നിച്ച അതിരന്‍ എന്ന ചിത്രത്തിലെ പവിഴ മഴയെ എന്ന ഹിറ്റ് ഗാനമാണ് സാനിയ ആലപിച്ചിരിക്കുന്നത്. മ്യൂസഷ്യന്‍ ബിച്ചു വേണുവിനൊപ്പമാണ് സാനിയയുടെ പ്രകടനം. 

സിനിമാ താരങ്ങളും പിന്നണിഗായകരുമടക്കം നിരവധി പേരാണ് സാനിയയുടെ പ്രകടനത്തെ അഭിനന്ദിച്ച് കമന്റ് ചെയ്തിരിക്കുന്നത്. സിനിയയുടേത് മികച്ച ശബ്ദമാണെന്നാണ് ഭൂരിഭാഗം പേരുടെയും അഭിപ്രായം. ഒരു ലക്ഷത്തിനടുത്ത ആളുകള്‍ ഇതിനോടകം വിഡിയോ ലൈക്ക് ചെയ്തുകഴിഞ്ഞു.