മകള്‍ മറിയം അമീറ സല്‍മാന്റെ രണ്ടാം ജന്മദിനത്തിന് നടന്‍ ദുല്‍ഖര്‍ സല്‍മാന്‍ പങ്കുവച്ച ചിത്രം ഏറ്റെടുത്ത് സോഷ്യല്‍ മീഡിയ. ഞങ്ങളുടെ ലോകത്തെ മിന്നും നക്ഷത്രത്തിന് സ്‌നേഹം നിറഞ്ഞ പിറന്നാളാശംസകള്‍ എന്ന് കുറിച്ചാണ് ദുല്‍ഖര്‍ മറിയത്തിന്റെ ചിത്രം പങ്കുവച്ചിരിക്കുന്നത്. 

"ഞങ്ങളുടെ ജീവിതത്തിലെ ഏറ്റവും തിളക്കമാര്‍ന്ന രണ്ട് വര്‍ഷങ്ങള്‍. നിന്നെക്കുറിച്ച് വര്‍ണ്ണിക്കാന്‍ വാക്കുകള്‍ മതിയാകുന്നില്ല. നിനക്കുവേണ്ടി മാത്രം ഇനി പുതിയ വാക്കുകള്‍ തേടേണ്ടിയിരിക്കുന്നു", ദുല്‍ഖര്‍ കുറിച്ചു. 

ഡിക്യൂ ആരാധകരും സിനിമാതാരങ്ങളുമടക്കം നിരവധിപ്പേരാണ് ചിത്രം ലൈക്ക് ചെയ്തിരിക്കുന്നത്. മറിയത്തിന് പിറന്നാള്‍ ആശംസിച്ച് നിരവധി കമന്റുകളാണ് പോസ്റ്റിനടിയില്‍ നിറയുന്നത്.