പാട്ടുപാടി മാത്രമല്ല അഭിനയത്തിലൂടെയും ആരാധകരുടെ മനസു കീഴടക്കുകയാണ് വിധു പ്രതാപ്. ടിക്ക് ടോക്ക് വിഡിയോയിലൂടെയാണ് താരം കയ്യടി നേടുന്നത്. ഇപ്പോൾ സോഷ്യൽ മീഡിയയിൽ ഹിറ്റാകുന്നത് വിധുവിന്റേയും ഭാര്യ ദീപിതിയുടേയും പുതിയ ടിക്ക്ടോക്ക് വിഡിയോ ആണ്. ദീപ്തിയ്ക്ക് പിറന്നാൾ ആശംസകൾ നേർന്നുകൊണ്ട് രസകരമായ വിഡിയോ വിധു പങ്കുവെച്ചത്. 

ബേസില്‍ ജോസഫ് സംവിധാനം ചെയ്ത വീനിത് ശ്രീനിവാസന്‍ അഭിനയിച്ച 'കുഞ്ഞിരാമായണം' എന്ന സിനിമയിലെ ഒരു രംഗമാണ് രണ്ടുപേരും കൂടി തകര്‍ത്തഭിനയിച്ചിരിക്കുന്നത്. 'ഇവളുടെ ബര്‍ത്ത്‌ഡേ ആയത് കൊണ്ട് പറയല്ല, എന്നെ എപ്പഴും ഇങ്ങനെ പ്രോത്സാഹിപ്പിക്കുന്ന സ്വഭാവം ഇവള്‍ക്ക് പണ്ടേ ഉണ്ട്. Happy birthday my love' എന്ന അടിക്കുറിപ്പിലാണ് വിഡിയോ പങ്കുവെച്ചിരിക്കുന്നത്. ‌

ഇതിന് മുൻപും വിധുവിന്റേയും ദീപ്തിയുടേയും വിഡിയോകൾ ആരാധകരുടെ മനസു കീഴടക്കിയിട്ടുണ്ട്. കൊറോണ ബോധവൽക്കരണവുമായി ചെയ്ത വിഡിയോയ്ക്കും മികച്ച പ്രതികരണംനേടിയിരുന്നു.