കൊച്ചി: ദുൽഖർ സൽമാൻ ആരാണെന്ന് തനിക്ക് അറിയില്ലായിരുന്നുവെന്ന് നടി അപർണാ ​ഗോപിനാഥ്. ചാർലിയുടെ സമയത്ത് സംവിധായകൻ മാർട്ടിൻ പ്രക്കാട്ട് ആണ് ദുൽഖർ സിനിമയിൽ ഉണ്ട് എന്ന് പറഞ്ഞത്. താൻ ഒരു സിനിമാ പ്രാന്തി അല്ലെന്നും ഒരു പ്രമുഖ മാധ്യമത്തിന് നൽകിയ അഭിമുഖത്തിൽ അവർ പറഞ്ഞു.

സിനിമയിൽ ആയാലും നാടകത്തിൽ ആയാലും സ്വന്തം ജോലി ആസ്വദിച്ച് ചെയ്യുക മാത്രമാണ് പ്രധാനം. ആരോടും പ്രത്യേകം അടുപ്പമോ അകൽച്ചയോ ഇല്ലെന്നും താരം കൂട്ടിച്ചേർത്തു. മികച്ച കഥാപാത്രങ്ങളെ അവതരിപ്പിക്കുകയാണ് ലക്ഷ്യം. തന്നെ പോലെയുള്ള ഒരാൾക്ക് അതിൽക്കൂടുതൽ ഒന്നും പറ്റുമെന്ന് തോന്നുന്നില്ലെന്നും അപർണ ​ഗോപിനാഥ് പറഞ്ഞു.

സിനിമ ഇല്ലാത്തത് ഒരിക്കലും ബാധിക്കാറേയില്ല. നാടകപ്രവർത്തനങ്ങളിൽ അപ്പോൾ സജീവമാകുകയാണ് ചെയ്യുകയെന്നും താരം വ്യക്തമാക്കി. ഒരു നക്ഷത്രമുള്ള ആകാശമാണ് അപർണയുടെ പുതിയ ചിത്രം.