വളരെ സാധാരണ നിലയില് നിന്നാണ് ഷാരുഖ് ഖാന് ബോളിവുഡിലെ കിങ് ഖാനായി ഉയര്ന്നത്. കരിയറിന്റെ തുടക്കത്തില് നിരവധി ടെലിവിഷന് ഷോകളിലും അദ്ദേഹം പങ്കെടുത്തിട്ടുണ്ട്. പ്രമുഖ ഹിന്ദി ടെലിവിഷന് സീരിയലായ ഫൗജിയില് എത്തിയതോടെയാണ് ഷാരുഖ് ശ്രദ്ധിക്കപ്പെടുന്നത്. കൂടാതെ ആ സമയത്ത് നിരവധി ഷോകളില് അവതാകനായും ഷാരുഖ് എത്തിയിരുന്നു. ദൂരദര്ശനിലെ ഒരു സംഗീത പരിപാടിയ്ക്ക് അവതാരകനായി എത്തുന്ന ഷാരുഖിന്റെ വിഡിയോ ആണ് ഇപ്പോള് സോഷ്യല് മീഡിയയില് വൈറലാവുന്നത്.
ന്യൂയര് ഈവ് പരിപാടിയാണ് താരം അവതരിപ്പിക്കുന്നത്. ഗായകന് കുമാര് സാനുവിനെ സ്റ്റേജിലേക്ക് ക്ഷണിക്കുന്നതാണ് വീഡിയോയില് കാണുന്നത്. സൂപ്പര്താരത്തിന്റെ ത്രോബാക്ക് വിഡിയോ ആരാധകരെ ആവേശത്തിലാക്കുകയാണ്. ബോളിവുഡ് ഡയറക്ട് എന്ന ഇന്സ്റ്റഗ്രാം പേജിലാണ് വിഡിയോ ആദ്യമായി ഷെയര് ചെയ്തത്. ഷാരുഖിന്റെ കഠിനാധ്വാനമാണ് ഇതിലൂടെ വ്യക്തമാകുന്നത് എന്നാണ് ആരാധകര് പറയുന്നത്.
1992 ല് റിലീസായ ദീവാനയിലൂടെയാണ് ഷാരുഖ് ഖാന് ബോളിവുഡിലേക്ക് അരങ്ങേറ്റം കുറിക്കുന്നത്. രാജു ബന് ഗയാ ജെന്റില്മാന്, കിങ് അങ്കിള്, ബാസിഗര് തുടങ്ങിയ സിനിമകളിലൂടെ ശ്രദ്ധേയനായി. ദില്വാന ദുല്ഹനിയെ ലേ ജായേങ്കേ, കരണ് അര്ജുന്, പര്ദേശ് എന്നിവ സൂപ്പര്ഹിറ്റായതോടെയാണ് ഷാരുഖ് താരപദവിയിലേക്ക് ഉയര്ന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates