തെന്നിന്ത്യന് നടി ഭാവനയും കന്നഡ നിര്മ്മാതാവ് നവീനുമായുള്ള വിവാഹം ഇന്ന് തൃശൂര് തിരുവമ്പാടി ക്ഷേത്രത്തില് നടന്നു. രാവിലെ 9.30നായിരുന്നു ഇരുവരുടെയും വിവാഹം. വീട്ടുകാരും അടുത്ത സുഹൃത്തുക്കളും മാത്രം പങ്കെടുക്കുന്ന ചടങ്ങിലായിരുന്നു നവീന് ഭാവനയുടെ കഴുത്തില് മിന്നു ചാര്ത്തിയത്. ബന്ധുക്കള്ക്കുള്ള വിരുന്ന് ജവഹര്ലാല് കണ്വെന്ഷന് സെന്ററില് നടക്കുകയാണ്.
വൈകിട്ട് ലുലു കണ്വെന്ഷന് സെന്ററില് ബന്ധുക്കള്ക്കും സിനിമാ മേഖലയിലെ സുഹൃത്തുക്കള്ക്കുമായി സല്ക്കാരം ഒരുക്കിയിട്ടുണ്ട്. പിന്നീട് ബംഗളൂരുവിലും വീട്ടുകാര്ക്കും സുഹൃത്തുക്കള്ക്കുമായി വിവാഹവിരുന്ന് നടത്തും.
കഴിഞ്ഞ വര്ഷം മാര്ച്ച് ഒമ്പതിനായിരുന്നു ഭാവനയുടെ വിവാഹനിശ്ചയം. രമ്യാ നമ്പീശന്, മൃദുല മുരളി, ശില്പ ബാല, ഷംഫ്ന, ശ്രുതി ശിവദാസ് ഗായിക സയനോര, എന്നിവരടങ്ങിയ ഭാവനയുടെ അടുത്ത സുഹൃത്തുക്കളുടെ നേതൃത്വത്തിലാണ് ഭാവനയുടെ മെഹന്തി ചടങ്ങുകള് നടന്നത്.
തൃശൂരില് ഫോട്ടോഗ്രാഫറായിരുന്ന പരേതനായ ജ ബാലചന്ദ്രന്റെയും പുഷ്പയുടെയും മകളാണ് ഭാവന. ബോളിവുഡ് നായികയും മുന് ലോക സുന്ദരിയുമായ പ്രിയങ്ക ചോപ്ര ഉള്പ്പെടെ സിനിമാരംഗത്തെ പ്രമുഖര് ഭാവനയ്ക്ക് വിവാഹാശംസകള് നേര്ന്നിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates