മലയാളിയാണെങ്കിലും മലയാളത്തില് കഴിവ് തെളിയിക്കാന് നില്ക്കാതെ തെന്നിന്ത്യയിലും ബോളിവുഡിലും സ്ഥാനം ഉറപ്പിച്ച നടിയാണ് അസിന്. പക്ഷേ കുറച്ച് നല്ല പടങ്ങളെല്ലാം ചെയ്ത ശേഷം താരം വിവാഹം കഴിഞ്ഞ് കുടുംബിനിയുടെ വേഷത്തില് ജീവിക്കുകയായിരുന്നു. മലയാളിയായ അസിന് ബിസിനസുകാരനായ രാഹുല് ശര്മയെയാണ് അസിന് വിവാഹം ചെയ്തത്.
വിവാഹത്തിന് ശേഷം സിനിമയില് നിന്ന് വിട്ടു നിന്ന അസിന് സോഷ്യല് മീഡിയയിലും വളരെ വിരളമായിട്ടേ പ്രത്യക്ഷപ്പെടാറുള്ളു. അസിന് രാഹുല് ശര്മ ദമ്പതികള്ക്ക് കഴിഞ്ഞ വര്ഷം ഒരു പെണ്കുഞ്ഞ് പിറന്നു. കുഞ്ഞിന്റെ വരവ് അറിയിച്ചെങ്കിലും മാധ്യമങ്ങളില് നിന്ന് മകളെ മാറ്റി നിര്ത്താന് ഈ ദമ്പതികള് ശ്രദ്ധിച്ചിരുന്നു.
എന്നാലിപ്പോള് മകള് അരിന്റെ ഒന്നാംപിറന്നാള് ആഘോഷത്തിന്റെ ചിത്രങ്ങള് ആരാധകര്ക്കായി പങ്കുവെച്ചിരിക്കുകയാണ് അസിന്. രാഹുല് ശര്മ്മയും മകള് അരിന് ആശംസകളുമായി ട്വിറ്ററില് ഫോട്ടോ പങ്കുവെച്ചിരുന്നു. ''ഒരു വര്ഷം മുന്പാണ് തിളക്കമുള്ള കണ്ണുകളുള്ള, സുന്ദരിയായ ഞങ്ങളുടെ മാലാഖയെ ഈ ലോകത്തേക്ക് സ്വാഗതം ചെയ്തത്. അവള്ക്ക് ഒരു വയസ്സ് ആയി. കാലം എങ്ങോട്ടാണ് പായുന്നത്? നീ എന്തിനാ ഇത്ര വേഗം വളരുന്നത്. ജന്മദിനാശംസകള് അരിന് ''- രാഹുല് ശര്മ്മ ട്വിറ്ററില് കുറിച്ചു.
കഴിഞ്ഞ വര്ഷം ഒക്ടോബറിലാണ് അരിന് ജനിച്ചത്. അസിന്റെ വിവാഹ മോതിരമണിഞ്ഞ കുഞ്ഞികാലിന്റെ ഫോട്ടോയാണ് അസിന് അന്ന് സാമൂഹിക മാധ്യമങ്ങളില് പങ്കുവെച്ചത്. അതിനു ശേഷം ഇപ്പോഴാണ് അസിന് മകളുടെ ഫോട്ടോ സോഷ്യല് മീഡിയയില് ഷെയര് ചെയ്യുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates