Entertainment

പാലക്കാട് കുടുംബ വീട്ടിലെത്തിയ സന്തോഷം പങ്കുവെച്ച് വിദ്യാബാലന്‍

വഴിയോരത്ത് കണ്ട, താന്‍ മോഡലായെത്തിയ പരസ്യത്തിന്റെ ഹോള്‍ഡിങ് ചിത്രങ്ങള്‍ പങ്കുവെച്ചാണ് വിദ്യ സന്തോഷം പ്രകടിപ്പിച്ചത്. 

Author : സമകാലിക മലയാളം ഡെസ്ക്

പാലക്കാടുള്ള കുടുംബ വീട്ടിലെത്തിയ സന്തോഷം ആരാധകരോട് പങ്കുവെച്ച് ബോളിവുഡ് നടി വിദ്യാ ബാലന്‍. പാലക്കാട് നിന്നുളള ചിത്രങ്ങള്‍ താരം തന്നെ പങ്കുവെച്ചിരുന്നു. വഴിയോരത്ത് കണ്ട, താന്‍ മോഡലായെത്തിയ പരസ്യത്തിന്റെ ഹോള്‍ഡിങ് ചിത്രങ്ങള്‍ പങ്കുവെച്ചാണ് വിദ്യ സന്തോഷം പ്രകടിപ്പിച്ചത്. 

'എന്റെ നാട്ടിലും ഞാന്‍' എന്ന കുറിപ്പോടെയായിരുന്നു ഫോട്ടോ പോസ്റ്റ് ചെയ്തത്. അക്ഷയ് ഗോള്‍ഡ് ആന്‍ഡ് ഡയമണ്ട്‌സിന്റെ പരസ്യ ചിത്രവും താരം ഇന്‍സ്റ്റഗ്രാമില്‍ പങ്കുവെച്ചിരുന്നു. ഇതോടെ കേരളത്തിലെത്തിയ വിദ്യയ്ക്ക് ആശംസകളുമായി മലയാളി ആരാധകരുമെത്തി. മലയാള സിനിമയില്‍ അഭിനയിച്ചിട്ടില്ലെങ്കിലും മലയാളികള്‍ക്ക് വിദ്യ ഏറെ പ്രിയപ്പെട്ടവളാണ്. 

പാലക്കാട് ജില്ലയിലെ പുത്തൂര്‍ പൂതംകുറിശ്ശിയിലാണ് വിദ്യ ജനിച്ചത്. അച്ഛന്‍ പിആര്‍ ബാലന്‍, അമ്മ സരസ്വതി, സഹോദരി പ്രിയ ബാലന്‍. ചെമ്പൂരിലെ സെന്റ് ആന്റണീസ് ഹൈസ്‌കൂളിലും സെന്റ് സേവ്യേഴ്‌സ് കോളജിലുമായിരുന്നു വിദ്യയുടെ ഹൈസ്‌കൂള്‍, കോളജ് വിദ്യാഭ്യാസങ്ങള്‍. 

വിദ്യയുടെ മലയാള ചിത്രത്തിനായി കാത്തിരിക്കുകയാണ് ആരാധകര്‍. കമല്‍ സംവിധാനം ചെയ്ത ആമിയില്‍ വിദ്യയായിരുന്നു മാധവിക്കുട്ടിയായി എത്തേണ്ടിയിരുന്നത്. പിന്നീട് ആ വേഷം മഞ്ജു വാര്യര്‍ ആണ് ചെയ്തത്.

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

ആസിയാന്‍ ഉച്ചകോടിയില്‍ പങ്കെടുക്കുന്നതിനായി മോദി മനിലയിലേക്ക്; ട്രംപുമായി കൂടിക്കാഴ്ചയ്ക്ക് സാധ്യത

'ഒരാളുടെയും ശുപാര്‍ശ കേള്‍ക്കരുത്'; റോഡു സുരക്ഷാ നിയമം കര്‍ശനമായി നടപ്പാക്കും, ജനപ്രതിനിധികള്‍ ഇടപെടരുതെന്ന് മുഖ്യമന്ത്രി

ശരണപുണ്യം തേടി ഭക്തര്‍; ആസിയാന്‍ ഉച്ചകോടിക്കായി മോദി മനിലയിലേക്ക്; ഇന്നത്തെ അഞ്ച് പ്രധാന വാര്‍ത്തകള്‍

രാഹുല്‍ ഗാന്ധി യുഎസിലേക്ക്; രാജ്യവിരുദ്ധ ശക്തികളുമായുള്ള കൂടിക്കാഴ്ചയാണോ ലക്ഷ്യമെന്ന് ബിജെപി

കല്‍പ്പാത്തി രഥോത്സവം: ദേവരഥ സംഗമം ഇന്ന്, ഭക്തിസാന്ദ്രമായി അഗ്രഹാര വീഥികള്‍; പ്രാദേശിക അവധി