മലയാള സിനിമയിലെ ഏറ്റവും മികച്ച വിജയ കൂട്ടുകെട്ടില്‍ ഒന്നായിരുന്നു സച്ചിയും നടന്‍ പൃഥ്വിരാജും തമ്മിലുണ്ടായിരുന്നത്. സേതുവിനൊപ്പം എഴുതിയ ആദ്യ തിരക്കഥയായ ചോക്ലേറ്റ് മുതല്‍ അവസാന ചിത്രം അയ്യപ്പനും കോശിയും വരെ പൃഥ്വിക്കൊപ്പം ഒന്നിച്ച എല്ലാ ചിത്രങ്ങളും സച്ചിക്ക് ഹിറ്റുകള്‍ സമ്മാനിച്ചു. 

റോബിന്‍ ഹുഡ്,അനാര്‍ക്കലി, ഡ്രൈവിങ് ലൈസന്‍സ്, അയ്യപ്പനും കോശിയും; ഒരുമിച്ച എല്ലാ ചിത്രങ്ങളും ഹിറ്റ്. ആദ്യം സംവിധാനം ചെയ്ത ചിത്രത്തില്‍ സച്ചി നായകനായി തെരഞ്ഞെടുത്തത് പൃഥ്വിയെ. ഡ്രൈവിങ് ലൈസന്‍സില്‍ വീണ്ടും പൃഥ്വിക്കൊപ്പം. 2020ല്‍ ഏറെ ചര്‍ച്ച ചെയ്യപ്പെട്ട അയ്യപ്പനും കോശിയും. സച്ചിയുടെ വിയോഗം 'പോയി' എന്ന ഒറ്റവാക്കില്‍ പങ്കുവച്ചിരിക്കുയാണ് പൃഥ്വി സോഷ്യല്‍ മീഡിയയില്‍. 

പൃഥ്വിരാജിനെ നായകനാക്കി സച്ചി മറ്റൊരു സിനിമ കൂടി പ്രഖ്യാപിച്ചിരുന്നു. സച്ചിയുടെ കയ്യിലുള്ള ഏത് തിരക്കഥയിലാണെങ്കിലും താന്‍ അഭിനയിക്കും എന്ന് മുന്‍പ് പൃഥ്വി പറഞ്ഞിരുന്നു. പൃഥ്വിരാജും ബിജു മേനോനും ആശുപത്രിയിലെത്തി സച്ചിയെ കണ്ടിരുന്നു.