സുഡുവിനെ സ്‌നേഹം കൊണ്ട് പൊതിഞ്ഞ മലയാളികളില്‍ ഭൂരിഭാഗവും തനിക്ക് അര്‍ഹിച്ച പ്രതിഫലം ലഭിച്ചില്ല എന്ന് സുഡു പറഞ്ഞതോടെ എതിര്‍ചേരിയിലേക്ക് നില്‍ക്കുകയായിരുന്നു. അതിന്റെ അലയൊലികള്‍ ഒന്ന് അടങ്ങിയതോടെ സുഡു വീണ്ടുമെത്തിയിരിക്കുകയാണ്. 

ഇത്തവണ ബീഫാണോ, മട്ടനാണോ, ചിക്കനാണോ പൊറോട്ടയ്‌ക്കൊപ്പം കേരളത്തില്‍ നിന്നും കഴിക്കാന്‍ വേണ്ടത് എന്ന ആശയക്കുഴപ്പത്തിലാണ് ആശാന്‍. ശരിക്കും ഞാന്‍ കേരളത്തെ മിസ് ചെയ്യുന്നു. ഇന്ത്യയിലേക്ക് മടങ്ങി വരുന്നതിനായി അടുത്ത ഓഫറിന് വേണ്ടി കാത്തിരിക്കുകയാണ്. എനിക്ക് പൊറോട്ടയും മട്ടന്‍ കറിയും വേണമെന്നുമായിരുന്നു കേരളത്തില്‍ നിന്നെടുത്ത സെല്‍ഫിക്കൊപ്പം സുഡു എഴുതിയത്. 

എന്നാലാദ്യം മട്ടന് പകരം ചിക്കനെന്നായിരുന്നു സുഡു എഴുതിയത്. അത് തിരുത്തി മട്ടനാക്കി. പിന്നാലെ പൊറോട്ടയ്‌ക്കൊപ്പം ബെസ്റ്റ് ബീഫാണെന്ന് മലയാളികള്‍ പറഞ്ഞതോടെ സുഡുവിന്റെ മറുപടിയെത്തി. ബീഫ് കഴിക്കുന്നത് സുരക്ഷിതമല്ലെന്ന് ആരോ പറഞ്ഞത്രേ...ഒന്നും പേടിക്കേണ്ട കേരളത്തില്‍ വന്ന് ധൈര്യമായി ബീഫ് കളിച്ചോളാന്‍ പറഞ്ഞ് സുഡുവിന് ധൈര്യം കൊടുക്കുകയുമാണ് മലയാളികള്‍ ഇപ്പോള്‍..