അമിത് ശര്മ്മ സംവിധാനം ചെയ്യുന്ന ചിത്രത്തിലൂടെ അജയ് ദേവ്ഗണിന്റെ
നായികയായി നടി കീര്ത്തി സൂരേഷ് ബോളിവുഡ് അരങ്ങേറ്റം കുറിക്കുമെന്ന് നേരത്തെ റിപ്പോര്ട്ടുകളുണ്ടായിരുന്നു. എന്നാലിപ്പോള് ചിത്രത്തില് അഭിനയിക്കേണ്ടെന്ന് തീരുമാനിച്ചിരിക്കുകയാണ് ദേശീയ അവാര്ഡ് ജേതാവായ കീര്ത്തി. സിനിമയുടെ നിര്മാതാവ് ബോണി കപൂറും കീര്ത്തിയും ഒന്നിച്ചാണ് ഇത്തരത്തിലൊരു തീരുമാനത്തിലേക്ക് എത്തിയതെന്നും കഥാപാത്രത്തെ അപേക്ഷിച്ച് കീര്ത്തി വളരെ ചെറുപ്പമാണെന്നതാണ് ഈ പിന്മാറ്റത്തിന് കാരണമെന്നുമാണ് റിപ്പോര്ട്ടുകള്.
അജയ് ദേവ്ഗണിന്റെ ഭാര്യയുടെ വേഷമാണ് കീര്ത്തി ചിത്രത്തില് അവതരിപ്പിക്കേണ്ടിയിരുന്നത്. മുന് ഇന്ത്യന് ഫുട്ബോള് കോച്ചായ സെയിദ് അബദുല് റഹീമിന്റെ വേഷത്തിലാണ് അജയ് ചിത്രത്തിലെത്തുന്നത്. എന്നാല് 27കാരിയായ കീര്ത്തിയെ സംബന്ധിച്ചിടത്തോളം ഈ കഥാപാത്രം പ്രായമേറിയതാണെന്നാണ് വിലയിരുത്തല്.
മഹാനടിയില് സാവിത്രിയുടെ വേഷം ചെയ്ത് 45കാരിയായി പോലും അഭിനയിച്ചതാണ് കീര്ത്തി. വീണ്ടും ഇത്തരത്തിലൊരു റോളിലെത്തുന്നത് കീര്ത്തി ടൈപ്കാസ്റ്റ് ചെയ്യപ്പെടാന് കാരണമാകുമെന്ന തോന്നലാണ് പുതിയ തീരുമാനത്തിനു പിന്നില്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates