മുംബൈ : പ്രേക്ഷകരെ ഭയത്തിന്റെ നെറുകയിലെത്തിക്കാന്‍ ഭൂത് വരുന്നു. വിക്കി കൗശാല്‍ പ്രധാനവേഷത്തിലെത്തുന്ന ഭൂത്; ദ ഹോണ്ടഡ് ഷിപ്പ് എന്ന ചിത്രത്തിന്റെ ടീസര്‍ പുറത്തിറങ്ങി. ഭൂമി പഡ്‌നേക്കറാണ് ചിത്രത്തിലെ നായിക. കരണ്‍ ജോഹര്‍ നിര്‍മിക്കുന്ന ഹൊറര്‍ ഫ്രാഞ്ചൈസിയിലെ ആദ്യ ചിത്രമാണ് ഭൂത്.

ഭാനുപ്രതാപ് സിംഗ് സംവിധാനം ചെയ്യുന്ന ചിത്രത്തില്‍ സിദ്ധാര്‍ഥ് കപൂറും, അശുതോഷും പ്രധാനവേഷത്തില്‍ എത്തുന്നുണ്ട്. പ്രശാന്ത് പിള്ള, രാം സമ്ബത്ത്, തനിഷ് ബാഗ്ചി എന്നിവര്‍ ചേര്‍ന്നാണ് ചിത്രത്തിന് സംഗീതം നല്‍കുന്നത്.

58 സെക്കന്റ് ദൈര്‍ഘ്യമുള്ള ടീസറാണ് ഇപ്പോള്‍ ശദ്ധ നേടിയിരിക്കുന്നത്. ഒരു കപ്പലിലാണ് കഥ നടക്കുന്നത്. ഫെബ്രുവരി 21 ന് ചിത്രം പുറത്തിറങ്ങും. രണ്ട് ഭാഗങ്ങളിലായാണ് സിനിമ തീയേറ്ററുകളിലെത്തുക.