വിവാഹ മോചനത്തിനൊരുങ്ങുന്നു എന്നതരത്തിൽ പ്രചരിക്കുന്ന വാർത്തകളോട് പ്രതികരിച്ച് നടി സ്വാതി റെഡ്ഡി. ഭര്‍ത്താവ് വികാസ് വാസുവിനൊപ്പമുള്ള ഫോട്ടോകള്‍ ഇന്‍സ്റ്റഗ്രാമില്‍ നിന്നും നീക്കം ചെയ്തെന്ന് കണ്ടെത്തിയതിന് പിന്നാലെയാണ് ഇത്തരത്തിലുള്ള വാർത്തകൾ പ്രചരിച്ചത്. ഒടുവിൽ ആരോപണങ്ങൾക്ക് മറുപടിയുമായി എത്തിയിരിക്കുകയാണ് നടി. 

മറ്റൊരു വിഡിയോ പോസ്റ്റ് ചെയ്താണ് ഊഹാപോഹങ്ങൾക്ക് നടി വിരാമമിട്ടത്. ഭര്‍ത്താവിനൊപ്പമുള്ള ഫോട്ടോകളെല്ലാം ആര്‍കൈവിലേക്ക് മാറ്റിയതാണ് പുതിയ വിഡിയോയിൽ കാണിക്കുന്നത്. 2012ൽ ഇൻസ്റ്റഗ്രാമിൽ ആദ്യം അപ്‌ലോഡ് ചെയ്ത ഫോട്ടോ അടക്കം ആര്‍കൈവിലേക്ക് മാറ്റിയിരിക്കുന്നത് നടി വിഡിയോയിലൂടെ പ്രേക്ഷകർക്കായി പങ്കുവയ്ക്കുന്നുണ്ട്. ‘ഹാരിപോര്‍ട്ടര്‍’ സിനിമയിലെ ഹാരിപോര്‍ട്ടറും ഡോബിയുമായുള്ള സംഭാഷണമായിട്ടാണ് വിഡിയോയുടെ അടിക്കുറിപ്പ്. 

‘കം ആൻഡ് ഗോ റൂം, ഈ മുറിക്കുള്ളിൽ ആവശ്യമുള്ളപ്പോൾ മാത്രമാണ് കയറാൻ സാധിക്കുക. നമ്മുടെ സാധനങ്ങളൊക്കെ അവിടെ തന്നെ ഉണ്ടാകും. ചിലപ്പോൾ ഉണ്ടാകില്ല. കയറുന്ന ആളുടെ ആവശ്യത്തിന് അനുസരിച്ച് റൂമിലുള്ള സാധനങ്ങള്‍ പ്രത്യക്ഷപ്പെടും'.സ്വാതി കുറിച്ചു.  

2018ലായിരുന്നു സ്വാതി പൈലറ്റായ വികാസ് വാസുവിനെ വിവാഹം ചെയ്തത്. അഞ്ച് വർഷത്തെ പ്രണയത്തിനു ശേഷമായിരുന്നു വിവാഹം.