തിയേറ്ററുകളിലെത്തുന്നതിന് മുന്‍പ് തന്നെ വിവാദങ്ങളില്‍ ഇടം നേടിയ തമിഴ് ചിത്രമാണ് 'കോമാളി'. രജനികാന്തിനെ പരിഹസിക്കുന്ന ഒരു ഡയലോഗ് ആണ് വിവാദങ്ങള്‍ക്കു തുടക്കമിട്ടത്. തമിഴ്‌നാട് രാഷ്ട്രീയത്തെ മുഴുവനായി പരിഹസിക്കുന്ന ചിത്രത്തിന് സെന്‍സര്‍ ബോര്‍ഡില്‍ നിന്നും നേരിടേണ്ടി വന്നത് പതിനഞ്ചോളം കട്ടുകളാണ്. 

ഓകെ കണ്‍മണി എന്ന ചിത്രത്തേയും കോമാളിയില്‍ അധിഷേപിക്കുന്നുണ്ട്. ധനുഷ്, ജയലളിത തുടങ്ങിയവരുടെ പേര് പറഞ്ഞ് പരാമര്‍ശങ്ങളുമുണ്ടായിരുന്നു. ഇവിടെയെല്ലാം എഡിറ്റ് ചെയ്തും മ്യൂട്ട് ചെയ്തുമാണ് ചിത്രം തിയേറ്ററുകളിലെത്തിയത്. 

ഇപ്പോഴിതാ സെന്‍സര്‍ ബോര്‍ഡ് വെട്ടിമാറ്റിയ രംഗങ്ങള്‍ യുട്യൂബിലൂടെ റിലീസ് ചെയ്തിരിക്കുകയാണ് അണിയറ പ്രവര്‍ത്തകര്‍. ജയം രവിയും യോഗി ബാബുവും പ്രധാനവേഷത്തിലെത്തിയ ചിത്രത്തില്‍ നടി കാജല്‍ അഗര്‍വാള്‍ ആയിരുന്നു നായിക.