മോഹന്‍ലാലിനെ നായകനാക്കി രഞ്ജിത്ത് ഒരുക്കുന്ന ഡ്രാമയുടെ ഷൂട്ടിങ് ലണ്ടനില്‍ പുരോഗമിക്കുകയാണ്. കഴിഞ്ഞ ദിവസം ചിത്രത്തിന്റെ പേര് പുറത്തുവിട്ടതോടെ സിനിമയ്ക്കായി പ്രതീക്ഷയോടെ കാത്തിരിക്കുകയാണ് ആരാധകര്‍. സിനിമയേക്കുറിച്ചുള്ള പ്രതീക്ഷ ഉയര്‍ത്തിക്കൊണ്ട് ഷൂട്ടിങ്ങിനിടയില്‍ നിന്നുള്ള വീഡിയോ പുറത്തുവിട്ടിരിക്കുകയാണ് മോഹന്‍ലാല്‍. ചീറിപ്പാഞ്ഞുപോകുന്ന കാറില്‍ ആശ ശരത്തിനൊപ്പം ഇരുന്നുകൊണ്ടുള്ള വീഡിയോയാണ് താരം തന്റെ ഫേയ്‌സ്ബുക് പേജിലൂടെ പങ്കുവെച്ചത്. 

മോഹന്‍ലാലിനൊപ്പം അഭിനയിക്കുന്നതിന്റെ എക്‌സൈറ്റ്‌മെന്റിലാണെന്ന് വീഡിയോയില്‍ ആശ ശരത് പറയുന്നു. താനും എക്‌സൈറ്റഡാണ് എന്നാണ് മോഹന്‍ലാലും പറയുന്നത്. കൂളിങ് ഗ്ലാസ വെച്ച് സൂപ്പര്‍ കൂള്‍ ലുക്കിലാണ് മോഹന്‍ലാല്‍. ലോഹം സിനിമയ്ക്ക് ശേഷം മോഹന്‍ലാല്‍ രഞ്ജിത്ത് കൂട്ടുകെട്ടില്‍ ഒരുങ്ങുന്ന ചിത്രമാണിത്. 

ആശാശരത്ത് കൂടാതെ, കനിഹ, കോമള്‍ ശര്‍മ, അരുന്ധതി നാഗ്, നിരഞ്ജ്, സിദ്ധിഖ്, ടിനി ടോം, ബൈജു, സുരേഷ് കൃഷ്ണ എന്നിവരും ചിത്രത്തിലൂടെ. മലയാളത്തിലെ മൂന്ന് പ്രമുഖ സംവിധായകരും - ദിലീഷ് പോത്തന്‍, ശ്യാമ പ്രസാദ്, ജോണി ആന്റണി- ചിത്രത്തിന്റെ ഭാഗമാകുന്നുണ്ട്. 

ഇതിനോടകം ഡ്രാമയുടെ ഷൂട്ടിങ് വിശേഷങ്ങള്‍ പങ്കുവെച്ച് ചില താരങ്ങള്‍ സോഷ്യല്‍ മീഡയയില്‍ എത്തിയിരുന്നു. എത്തിയിരുന്നു. വര്‍ണചിത്ര ഗുഡ് ലൈന്‍ പ്രൊഡക്ഷന്‍സിന്റെയപം ലില്ലിപാഡ് മോഷന്‍ പികിചേഴ്‌സിന്റേയും ബാനറില്‍ എംകെ നാസറും മഹാ സുബൈറും ചേര്‍ന്നാണ് ചിത്രം നിര്‍മിക്കുന്നത്.