സംവിധായകന്‍ ഷാജി കൈലാസ് നിര്‍മിക്കുന്ന താക്കോല്‍ എന്ന ചിത്രത്തിന്റെ ഫസ്റ്റ്‌ലുക്ക് പോസ്റ്റര്‍ പുറത്തുവിട്ടു. നടൻ മോഹൻലാലാണ് പോസ്റ്റർ അവതരിപ്പിച്ചത്. കിരണ്‍ പ്രഭാകരന്‍ തിരക്കഥയും സംവിധാനവും നിര്‍വഹിക്കുന്ന ചിത്രത്തിൽ മുരളി ​ഗോപിയും ഇന്ദ്രജിത്തുമാണ് പ്രധാന കഥാപാത്രങ്ങളാകുന്നത്. ഇരുവരും പ്രത്യക്ഷപ്പെടുന്ന പോസ്റ്ററാണ് അണിയറപ്രവർത്തകർ ഇപ്പോൾ പങ്കുവച്ചിരിക്കുന്നത്. 

ളോഹയിട്ട് ക്രിസ്ത്യൻ പുരോഹിതനായാണ് മുരളി ​ഗോപി പോസ്റ്ററിൽ പ്രത്യക്ഷപ്പെടുന്നത്. കൈയില്‍ ബാഗും കുടയുമായി ഇന്ദ്രജിത്തും ഒപ്പമുണ്ട്. ഒരു ദേവാലയത്തിന്റെ പശ്ചാത്തലത്തിൽ ഇരുവരും നടന്നുവരുന്ന രം​ഗമാണ് പോസ്റ്ററാക്കിയിട്ടുള്ളത്. 

കിരണ്‍ പ്രഭാകരന്‍ തിരക്കഥയും സംവിധാനവും നിര്‍വഹിക്കുന്ന ചിത്രത്തില്‍ ഫാദര്‍ അംബ്രോസ് വാസ് പോച്ചംപള്ളി എന്ന കഥാപാത്രത്തെയാണ് ഇന്ദ്രജിത്ത് അവതരിപ്പിക്കുന്നത്. റെക്റ്റര്‍ മാന്‍കുന്നത്ത് പൈലിയായാണ് മുരളി ​ഗോപി എത്തുന്നത്. റസൂല്‍ പൂക്കുട്ടി ശബ്ദമിശ്രണം നിർവഹിക്കുന്ന ചിത്രത്തിന്റെ സംഗീതം എം ജയചന്ദ്രനാണ്.