വിജയുടെ പുതിയ ചിത്രം 64നെക്കുറിച്ച് പുറത്തുവരുന്ന വിവരങ്ങള്‍ പ്രേക്ഷകരെ ആവേശത്തിലാഴ്ത്തുന്നതാണ്. മലയാളികളുടെ പ്രിയപ്പെട്ട യുവതാരം ആന്റണി വര്‍ഗീസും ചിത്രത്തില്‍ പ്രധാനപ്പെട്ട കഥാപാത്രത്തെ അവതരിപ്പിക്കും. വിജയ് സേതുപതി വില്ലനായി എത്തുന്നു എന്ന സ്ഥിരീകരിണത്തിന് പിന്നാലെയാണ് നിര്‍മ്മാതാക്കള്‍ ഈ വിവരവും പുറത്തുവിട്ടിരിക്കുന്നത്. 

ലോകേഷ് സംവിധാനം ചെയ്യുന്ന ചിത്രത്തില്‍ വലിയ താരനിരയാണ് എത്തുന്നത്. മലയാളി നടി മാളവികയാണ് നായിക.എക്‌സ് ബി ഫിലിം ക്രിയേറ്റേഴ്‌സ് ആണ് നിര്‍മ്മാണം.

കരിയറിലെ ഏറ്റവും വലിയ പ്രതിഫലമാണ് വിജയ് സേതുപതി ചിത്രത്തിന് വേണ്ടി വാങ്ങുന്നത്. പത്തുകോടി രൂപയാണ് ചിത്രത്തിന് വേണ്ടി വിജയ് സേതുപതി പ്രതിഫലം വാങ്ങുന്നത് എന്നാണ് അഭ്യൂഹങ്ങള്‍. ഗ്യാങ്‌സറ്റര്‍ സിനിമയായാണ് 64ഒരുങ്ങുന്നത്.

അറ്റ്‌ലി സംവാധാനം ചെയ്യുന്ന ബിഗിലാണ് വിജയുടേതായി തീയേറ്ററിലെത്തുന്ന ഏറ്റവും പുതിയ ചിത്രം. ദീപാവലി റിലീസാണ് ചിത്രം എത്തുന്നത്. സിന്ധുബാദ് ആയിരുന്നു വിജയ് സേതുപതിയുടേതായി അവസാനം തീയേറ്ററുകളെത്തിയ ചിത്രം.