തമിഴ് സംവിധായകൻ എ എൽ വിജയ്‌യ്ക്ക് ആൺകുഞ്ഞ് പിറന്നു.  വിജയ്‌യുടെ സഹോദരനും നടനുമായ ഉദയ ആണ് സന്തോഷവാർത്ത പങ്കുവച്ചിരിക്കുന്നത്. 

ചെന്നൈയിലെ സ്വകാര്യ ആശുപത്രിയിൽ വച്ചാണ് ഭാര്യ ഐശ്വര്യ കുഞ്ഞിന് ജന്മമേകിയത്. അമ്മയും കുഞ്ഞും സുഖമായിരിക്കുന്നുവെന്ന് വിജയ്‌യോട് അടുത്ത വൃത്തങ്ങൾ അറിയിച്ചു. 

കഴിഞ്ഞ വർഷം ജൂലായ് 11നാണ് വിജയും ഐശ്വര്യയും വിവാഹിതരായത്. ചെന്നൈ സ്വദേശിയാണ് ഡോക്ടർ ഐശ്വര്യ. വിജയുടെ രണ്ടാം വിവാഹമായിരുന്നു ഇത്.