സുഡാനി ഫ്രം നൈജീരിയ എന്ന ചിത്രത്തില്‍ സുഡുമോനായി വന്ന് പ്രേക്ഷകരുടെ ഹൃദയം കീഴടക്കിയ വിദേശ താരമാണ് സാമുവല്‍ അബിയോള റോബിന്‍സണ്‍. ഇപ്പോഴിതാ വീണ്ടുമൊരു മലയാള ചിത്രത്തിലൂടെ പ്രേക്ഷകരെ നേടാന്‍ എത്തുകയാണ് താരം. ഒരു കരീബിയന്‍ ഉഡായിപ്പാണ് സാമുവല്‍ നായകനായെത്തുന്ന അടുത്ത ചിത്രം. 

നവാഗത സംവിധായകനായ എ.ജോജിയാണ് ഒരു കരീബിയന്‍ ഉഡായിപ്പ് സംവിധാനം ചെയ്യുന്നത്. കാര്‍ത്തികേയന്‍ സിനിമാസിന്റെ ബാനറില്‍ ആര്‍.കെ.വി നായരാണു നിര്‍മ്മാണം. പര്‍പ്പിള്‍ എന്ന പേരാണ് ചിത്രത്തിന് ആദ്യം നല്‍കിയിരുന്നതെങ്കിലും പിന്നീട് ഇത് മാറ്റുകയായിരുന്നു. ചിത്രത്തിന്റെ ഫസ്റ്റ് ലുക്ക് പോസ്റ്റര്‍ സാമുവല്‍ തന്നെ തന്റെ ട്വിറ്റര്‍ പേജിലൂടെ പങ്കുവച്ചു.