നടുവിരല് നമസ്കാരവുമായിട്ടായിരുന്നു ലിപ്സറ്റിക് അണ്ടര് മൈ ബുര്ഖയുടെ പോസ്റ്റര് പുറത്തിറങ്ങിയത്. ഒരു പ്രത്യേക മതവിഭാഗത്തെ അധിക്ഷേപിക്കുന്നു എന്നും, ലൈംഗീക ചുവയുള്ള സംഭാഷണങ്ങള് ഉള്പ്പെടുത്തി എന്നും ആരോപിച്ച് ചിത്രത്തിന് പ്രദര്ശനാനുമതി നിഷേധിച്ച സെന്സര് ബോര്ഡിന് നേരെ ആയിരുന്നു ആ നടുവിരല് നമസ്കാരം എന്നായിരുന്നു സമൂഹമാധ്യമങ്ങളില് വിലയിരുത്തലുകള് ഉയര്ന്നത്.
ഇപ്പോഴിതാ സിനിമയിലെ പ്രധാന വേഷങ്ങളിലെത്തുന്ന താരങ്ങളാണ് ലിപ്സ്റ്റിക്കോടെ നടുവിരല് നമസ്കാരവുമായി എത്തുന്നത്. രത്നാ പതക് ഷാ, കൊന്കനാ സെന് ഷര്മ, ആഹാന കുമ്ര, പ്ലഭിത ഭോര്താക്കൂര് എന്നിവരാണ് ഇന്സ്റ്റഗ്രാമിലൂടെ സിനിമയിലെ പോസ്റ്ററിന് സമാനമായി പ്രത്യക്ഷപ്പെടുന്നത്.
#LipsticRebellion എന്ന ഹാഷ്ടാഗിലാണ് പുതിയ ക്യാംപെയ്ന് സമൂഹമാധ്യമങ്ങളില് പടരുന്നത്. താരങ്ങളുടേത് പോലെ നടുവിരല് നമസ്കാരവുമായി സെല്ഫി ഷെയര് ചെയ്യാനാണ് സ്ത്രീകളോട് താരങ്ങള് ആവശ്യപ്പെടുന്നത്.
പ്രദര്ശനാനുമതി നിഷേധിച്ച പഹലജ് നിഹ്ലാനിയുടെ നിലപാടിനെതിരെ സിനമയുടെ സംവിധായക അലംകൃത ശ്രീവാസ്തവ ഫിലിം സര്ട്ടിഫിക്കേറ്റ് അപ്പല്ലേറ്റ് ട്രിബ്യൂണലിനെ സമീപിക്കുകയും എഫ്സിഎടി പ്രദര്ശനാനുമതി നല്കുകയുമായിരുന്നു. ജൂലൈ 21ന് സിനിമ റിലീസ് ചെയ്യും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates