മനാമ: നീ​ന്ത​ൽ​ക്കു​ള​ത്തി​ലേ​ക്ക് കു​ട്ടി​ക​ളെ എ​ടു​ത്തെ​റി​ഞ്ഞ​ വി​ദേ​ശി പൗ​ര​നെ തടവ് ശിക്ഷയ്ക്ക് വിധിച്ചു ബഹ്‌റൈൻ കോടതി. അ​മേ​രി​ക്ക​ൻ പൗ​ര​നെ​യാണ് മൂ​ന്നു​മാ​സം ത​ട​വിന് വിധിച്ചത്. ശിക്ഷാ കാലാവധിക്ക് ശേഷം പ്രതിയെ നാടുകടത്തണമെന്നും കോടതി വ്യക്തമാക്കി.

സൗ​ദി​യി​ൽ ജോ​ലി ചെയ്തു വരുക ആയിരുന്ന പ്രതി വാ​രാ​ന്ത്യം ആ​ഘോ​ഷി​ക്കാ​നായി ആണ് ബഹ്‌റൈനിൽ എത്തിയത്. സംഭവ ദിവസം പ്രതി നന്നായി മ​ദ്യ​പി​ച്ച​തി​ന് ശേഷം ഹോ​ട്ട​ലി​ലെ നീ​ന്ത​ൽ​ക്കു​ള​ത്തിന്റെ സമീപത്ത് എത്തി. ഈ സമയത്ത് നാല് കുട്ടികൾ പൂളിന്റെ സമീപം നിൽക്കുക ആയിരുന്നു. പ്രതി മദ്യലഹരിയിൽ കുട്ടികളെ നീ​ന്ത​ൽ​ക്കു​ള​ത്തിലേക്ക് വലിച്ചെറിഞ്ഞു. ഇതിൽ ഇ​തി​ൽ നാ​ല് വ​യ​സ്സു​കാ​ര​നാ​യ ഒ​രു കു​ട്ടി​ക്ക് നീ​ന്താ​ൻ അ​റി​യാ​ത്ത​തി​നാ​ൽ വെ​ള്ള​ത്തി​ൽ മു​ങ്ങി​പ്പോകുകയും പ്ര​തി ത​ന്നെ വെ​ള്ള​ത്തി​ൽ ചാ​ടി കു​ട്ടി​യെ ര​ക്ഷി​ക്കു​കയും ചെയ്തു.

കു​ട്ടി​ക​ളു​ടെ സ​മ്മ​ത​മി​ല്ലാ​തെ​യാ​ണ് പ്ര​തി അ​വ​രെ പൂ​ളി​ലേ​ക്ക് എ​റി​ഞ്ഞ​തെ​ന്ന് ദൃ​ക്‌​സാ​ക്ഷി കോടതിയിൽ മൊഴി നൽകി. കു​ട്ടി​ക​ളെ അ​പ​ക​ട​ത്തി​ലാ​ക്കി​യെ​ന്ന കു​റ്റം ഇ​യാ​ൾ നി​ഷേ​ധി​ച്ചെ​ങ്കി​ലും സാക്ഷി മൊഴിയുടെയും തെളിവുകളുടെയും അടിസ്ഥാനത്തിൽ കോടതി ശിക്ഷ വിധിക്കുക ആയിരുന്നു. ത​ട​വു​ശി​ക്ഷ​ക്ക് പ​ക​രം മ​റ്റ് ശി​ക്ഷ​ക​ൾ ന​ൽ​ക​ണ​മെ​ന്ന പ്ര​തി​യു​ടെ വാദം സു​പ്രീം ക്രി​മി​ന​ൽ അ​പ്പീ​ൽ കോ​ട​തി ത​ള്ളി​യി​രു​ന്നു.